زەلەنسكي: پۋتينمەن كەلىسسوز ۇستەلىنە وتىرۋعا دايىنمىن

استانا. KAZINFORM - ۋكراينا پرەزيدەنتى ۆلاديمير زەلەنسكي رەسەي پرەزيدەنتى ۆلاديمير پۋتينمەن كەلىسسوز ۇستەلىنە وتىرۋعا دايىن ەكەنىن ايتتى. ونىڭ سوزىنشە، ۋكراينالىقتار ءۇشىن بەيبىتشىلىك ورناتۋدىڭ جالعىز سحەماسى وسى بولسا، بۇل قادامعا بارۋعا ءازىر، - دەپ حابارلايدى «ۋكراينسكايا پراۆدا» باسىلىمى.

юрий зеленский
Зеленский

«بۇل ۋكراينالىقتار ءۇشىن بەيبىتشىلىككە قول جەتكىزۋدىڭ جانە ادام ءولىمىن بولعىزباۋدىڭ جالعىز جولى بولسا، ارينە، ءبىز وعان بارامىز»، - دەگەن زەلەنسكي ۇلى بريتانيالىق جۋرناليست پيرس مورگانعا بەرگەن سۇحباتىندا.

سونداي-اق زەلەنسكي بۇل جاعدايدا كرەمل باسشىسىنا دەگەن جەكە كوزقاراسى ماڭىزدى ەمەس ەكەنىن ايتتى: «مەن ونى جاۋ دەپ سانايمىن. شىنىمدى ايتسام، ول دا مەنى جاۋ دەپ سانايدى دەپ ويلايمىن».

ول ۋكراينا قازىر بارلىق اۋماقتى قايتارا المايتىنىن جانە ناتيجە ءۇشىن ميلليونداعان ادامدى جوعالتا المايتىنىن مالىمدەدى.

زەلەنسكيدىڭ سوزىنشە، ۋكراينا وسى سوعىستا ەل ءۇشىن جانىن قيعاندارعا بەرىلگەن انتتى بۇزا المايدى. سونىمەن قاتار كونستيتۋتسيانى بۇزۋعا جانە باسىپ الىنعان اۋماقتاردى رەسەيلىك دەپ تانۋعا بولمايتىنىن دا مالىمدەدى.

پۋتين بۇعان دەيىن زەلەنسكيدى زاڭسىز پرەزيدەنت دەپ سانايتىنىن، ويتكەنى 2024-جىلعى مامىردا ونىڭ وكىلەتتىك مەرزىمى اياقتالعانىن، دەمەك بەيبىت كەلىسىمگە قول قويۋعا قۇقىعى جوق ەكەنىن ايتتى.

ال زەلەنسكي ۋكراينادا سوعىس بولىپ جاتقان كەزدە سايلاۋ وتكىزۋ مۇمكىن ەمەس ەكەنىن جەتكىزدى.

ەسكە سالايىق، بۇعان دەيىن ترامپ رەسەيمەن جانە ۋكراينامەن وتەتىن كەزدەسۋ جوسپارى تۋرالى ايتتى.

سوڭعى جاڭالىقتار