زەلەنسكي ا ق ش- پەن سيرەك كەزدەسەتىن مينەرالدار تۋرالى كەلىسىمگە قول قويۋعا دايىن ەكەنىن مالىمدەدى

استانا. KAZINFORM - ۋكراينا پرەزيدەنتى ۆلاديمير زەلەنسكي ەگەر تاراپتار بۇعان دايىن بولسا، ۋكراينا ا ق ش- پەن سيرەك كەزدەسەتىن جەر ەلەمەنتتەرىن ينۆەستيتسيالاۋعا باعىتتالعان كەلىسىمگە قول قويۋعا دايىن ەكەنىن ايتتى. بۇل تۋرالى انادولى جازدى.

لوندوندا ۇيىمداستىرىلعان ۋكراينا بويىنشا كوشباسشىلار سامميتىنە قاتىسقان زەلەنسكي ۋكرايناعا ورالماس بۇرىن ستەنستەد اۋەجايىندا جۋرناليستەرمەن كەزدەستى.

ا ق ش پرەزيدەنتى دونالد ترامپپەن اق ۇيدەگى شيەلەنىستى تالقىلاۋدان كەيىن جەر كونسەسسياسىن تالقىلاۋ مۇمكىندىگى تۋرالى سۇراققا زەلەنسكي تىكەلەي جاۋاپ بەرمەي:

- مەن ۋكراينانىڭ ۇستانىمىن تىڭداعاندى قالايمىن، - دەدى.

ول ارادا تۇسىنىكسىز جاعداي بولعانىن قالامايتىنىن باسا ايتتى.

سونداي-اق، زەلەنسكي تاراپتار ىمىراعا كەلسە، امەريكا قۇراما شتاتتارىمەن سيرەك كەزدەسەتىن جەر ەلەمەنتتەرى تۋرالى كەلىسىمگە مينيستر قول قويۋعا دايىن ەكەنىن اتاپ ءوتتى.

- ءبىزدىڭ ساياساتىمىز - بۇرىن جاسالعاندى جالعاستىرۋ. كەلىسىمگە كەلەتىن بولساق، وعان قول قويۋعا دايىنبىز، - دەدى ول.

زەلەنسكي سونداي-اق ۋكراينا ءۇشىن ەڭ جاقسى قاۋىپسىزدىك كەپىلى «ۋكراينانىڭ كۇشتى ارمياسى» دەگەن پىكىر ءبىلدىردى. ول ۋكراينانىڭ ا ق ش- پەن قارىم- قاتىناسىنىڭ جالعاساتىنىن اتاپ ءوتىپ، 28-اقپاندا اق ۇيدە ترامپپەن بولعان شيەلەنىس «ۋكرايناداعى بەيبىتشىلىك ءۇشىن وڭ نەمەسە تەرىس وزگەرىستەر اكەلمەگەنىن» ايتتى.

ول بولاشاقتا كونسترۋكتيۆتى كەلىسسوزدەر ارقىلى «وڭ ناتيجەلەر بولادى» دەپ سەندىردى.

زەلەنسكي سونداي-اق ۋكراينا ناتو-عا قابىلدانسا، وتستاۆكاعا كەتۋگە دايىن ەكەنىن ايتتى.

- مەن ناتو- عا ايىرباس جاساۋعا دايىنمىن. مەن مۇنداي الماسۋعا كەلىسە الاتىنىمدى ايتتىم، ەگەر ناتو قابىلداسا، وندا مەن ءوز تاپسىرمامدى ورىنداعانىم، - دەدى ول.

ايتا كەتەيىك، ترامپ پەن زەلەنسكي اراسىندا مينەرالدار بويىنشا كەلىسىمگە قول قويىلماي قالعان بولاتىن.

ۆەنس ۋكراينا پرەزيدەنتىن ا ق ش- قا قۇرمەتسىزدىك تانىتتى دەپ ايىپتادى.