زاڭسىز شىرشا ساتۋدىڭ 200 دەن اسا دەرەگى تىركەلگەن
استانا. KAZINFORM — ىشكى ىستەر مينيسترلىگى جاڭا جىل قارساڭىندا تەكسەرىستى كۇشەيتكەن، - دەپ حابارلايدى «حابار 24» تەلەارناسى.
ەلدە شىرشانى زاڭسىز ساۋدالاعان 200 دەن اسا دەرەك تىركەلگەن. قازىر وڭىرلەردە «شىرشا» جەدەل-پروفيلاكتيكالىق ءىس-شاراسى ءوتىپ جاتىر.
پوليتسيانىڭ دەرەگىنە قاراعاندا كەيىنگى جىلدارى قىلقان جاپىراقتى اعاش تۇرلەرىن كەسۋ دەرەكتەرى ازايعان.
بيىل وتكىزگەن رەيدتىك ءىس-شارا اياسىندا زاڭسىز اعاش كەسكەن تەك ءبىر ادام ۇستالعان. قالعانى بەلگىلەنبەگەن ورىنداردا ساۋدا جاساعانى ءۇشىن جاۋاپقا تارتىلدى.
ايتا كەتەيىك، ەلگە شىرشا نەگىزىنەن كورشى مەملەكەتتەردەن جەتكىزىلەدى.
ەسكە سالايىق، بۇعان دەيىن جاڭا جىل قارساڭىندا پوليتسيا كۇشەيتىلگەن رەجيمدە جۇمىس ىستەيتىنى حابارلاندى.
جاڭا جىل قارساڭىندا ءوڭىر تۇرعىندارىنىڭ تىرشىلىگى ەرەكشە قاربالاسقا تولى بولاتىنى بەلگىلى. كوشەلەردە كولىك قوزعالىسى كوبەيىپ، كەپتەلىستەر ءجيى بولادى. وسىنداي ساتتە پوليتسيا قىزمەتكەرلەرى ءوڭىر تىنىشتىعىن ساقتاپ، قوعامدىق ءتارتىپتى كۇزەتۋ ءۇشىن كۇشەيتىلگەن رەجيمدە جۇمىس ىستەيدى.
