زاڭسىز اكتيۆتەردى قايتارۋ: اتىراۋ وبلىسىندا گاز قۇبىرى مەملەكەتكە قايتارىلادى
پرەمەر-مينيستر ءاليحان سمايىلوۆتىڭ توراعالىعىمەن وتكەن ەكونوميكانى دەمونوپوليزاتسيالاۋ جونىندەگى كوميسسيا وتىرىسىندا تاۋارلى گازدى تاسىمالداۋ سالاسىندا زاڭسىز يەمدەلگەن اكتيۆتەردى قايتارۋ ماسەلەسى قارالدى. Kazinform بۇل تۋرالى primeminister.kz-كە سىلتەمە جاساپ حابارلايدى.
ق ر باس پروكۋراتۋراسى جۇرگىزگەن تەكسەرۋ ناتيجەسىندە 2021 -جىلى جەكەمەنشىك كومپانيا اتىراۋ وبلىسىندا ۇزىندىعى 200 مەتردەن اساتىن گاز قۇبىرىن تومەندەتىلگەن باعامەن جانە زاڭدىلىقتى بۇزا وتىرىپ ساتىپ العانى انىقتالدى. اتاپ ايتقاندا، «QazaqGaz» ۇ ك» ا ق ۇلتتىق وپەراتورىنىڭ گازبەن جابدىقتاۋ نىساندارىن ساتىپ الۋعا باسىم قۇقىعى تۋرالى زاڭ نورماسى بۇزىلعان.
تالقىلاۋ ناتيجەلەرى بويىنشا وميسسيا گاز قۇبىرىن بەرۋ جونىندەگى مامىلەنى جارامسىز دەپ تانۋ جانە مۇلىكتى مەملەكەت مەنشىگىنە قايتارۋ بويىنشا ءتيىستى ماتەريالداردى سوتقا جولداۋ تۋرالى شەشىم قابىلدادى. الداعى ۋاقىتتا ونى وڭىردەگى ءىرى ونەركاسىپتىك كاسىپورىنداردى گازبەن قامتاماسىز ەتۋ ءۇشىن پايدالانۋ جوسپارلانىپ وتىر.
پرەمەر-مينيستر وسىعان ۇقساس جاعداي قالىپتاسقان باسقا دا ءبىرقاتار كاسىپورىنداردا ءتيىستى جۇمىس جۇرگىزۋ قاجەت ەكەنىن اتاپ ءوتتى.
اۆتور
گۇلميرا الياكپاروۆا
