زارينا دياس قىتايداعى تۋرنيردىڭ نەگىزگى كەزەڭىنە جولداما الدى

استانا. KAZINFORM - قازاقستاندىق تەننيسشى زارينا دياس بەيجىڭدەگى (قىتاي) WTA 1000 ساناتىنداعى تۋرنيردىڭ نەگىزگى كەزەڭىنە ءوتتى.

قازاقستان تەننيس فەدەراتسياسىنىڭ مالىمەتىنشە، ىرىكتەۋ باسەكەسىنىڭ فينالدىق كەزەڭىندە زارينا بريتانيالىق حيتەر ۋوتسوندى ەكى سەتتە وڭاي جەڭدى. العاشقى پارتيا 6:0، ەكىنشىسى 6:2 ەسەبىمەن اياقتالدى. بۇعان دەيىن زارينا دياس كەشە رەبەكا ماشاروۆادان باسىم تۇسكەن.

WTA 1000 China Open-2024 تۋرنيرىنىڭ نەگىزگى كەزەڭى 25-قىركۇيەك پەن 6 -قازان ارالىعىندا وتەدى.