يزرايلدىڭ ەلشىلىگى ماڭىندا جارىلىس بولدى
سەيسەنبى كۇنى نيۋ-دەليدە ورنالاسقان يزرايل ەلشىگى عيماراتىنىڭ ماڭىندا جارىلىس بولدى. يزرايل قاۋىپسىزدىك قىزمەتى مەن ءۇندىستاندىق پوليتسيا ءمان-جاعدايدى بىرلەسىپ انىقتاۋعا كىرىستى. Kazinform بۇل تۋرالى The Times of Israel-گە سىلتەمە جاساپ حابارلايدى.
وقيعا سالدارىنان قازا بولعاندار مەن زارداپ شەككەندەر جوق.
ءۇندىستاندىق ب ا ق-تىڭ اقپاراتىنا سۇيەنسەك، جارىلىس بولعان جەردەن جاقىن ماڭدا يزرايل ەلشىسىنە ارنالعان حات تابىلدى. Indian Express گازەتىنىڭ جازۋىنشا، حات كومپيۋتەردە تەرىلگەن جانە قورلاۋ ماتىنىندە جازىلعان. قوسىمشا باسقا اقپارات بەرىلمەدى.
تەرگەۋشىلەر جارىلىس پەن حاتتىڭ اراسىندا بايلانىستىڭ بار-جوعىن انىقتاۋعا كىرىستى.
ۇستىمىزدەگى جەلتوقسان ايىندا يزرايلدىڭ ۇلتتىق قاۋىپسىزدىك كەڭەسى يزرايلدىكتەرگە شەت ەلدەرگە شىعۋ جوسپارلارىن قايتا قاراۋدى، بۇل ساپار اسا قاجەت بولعان جاعدايدا وزدەرىنىڭ ەۆرەي جانە يزرالدىكتەر ەكەندىگىن سىرت-كەلبەتپەن بىلدىرۋدەن اۋلاق بولۋعا شاقىردى. بۇل ۇندەۋ بۇكىل الەمدە ارتىپ كەلە جاتقان انتيسەميتيزمگە بايلانىستى جاسالدى.
Delhi Fire Service received a call of a blast near the Israel Embassy in the Chanakyapuri area this evening.
— ANI (@ANI) December 26, 2023
"So far nothing has been found at the location," says Atul Garg, Director, Delhi Fire Services pic.twitter.com/Ipd23kciBS
