يزرايل يراننىڭ شابۋىلىنا جاۋاپ قايتارا ما

استانا. KAZINFORM - يزرايل يراننىڭ 1-قازاندا جاپپاي زىمىرانمەن جاساعان شابۋىلىنا جاۋاپ قايتارۋى مۇمكىن. بۇل تۋرالى Axios جازدى.

شابۋىل يران اۋماعىنداعى مۇناي ءوندىرۋ وبەكتىلەرىنە، اۋە قورعانىس جۇيەسىنە جانە باسقا دا ستراتەگيالىق وبەكتىلەرگە باعىتتالادى دەپ بولجانىپ وتىر.

يراننىڭ ازاماتتىق اۆياتسيا ۇيىمى ەلدەگى بارلىق رەيس بەيسەنبى كۇنى تاڭەرتەڭ توقتاتىلاتىنىن مالىمدەدى.

يزرايلدىڭ قاۋىپسىزدىك كابينەتى سەيسەنبى كۇنى يەرۋساليمگە جاقىن جەراستى ۇكىمەتىنىڭ بۋنكەرىندە جينالدى. كەزدەسۋ يراننىڭ بالليستيكالىق زىمىراندارىنىڭ ءبىرىنشى تولقىنى يزرايلگە جەتكەن كەزدە باستالدى.

- يران 1-قازان كۇنى تۇندە ۇلكەن قاتەلىك جاسادى جانە ول ءۇشىن جاۋاپ بەرەدى، - دەدى كەزدەسۋ بارىسىندا يزرايل پرەمەر-ءمينيسترى بينيامين نەتانياحۋ.

مينيسترلەر كابينەتىنىڭ وتىرىسى بىرنەشە ساعاتتان سوڭ اياقتالدى. باسقوسۋدا يزرايلدىڭ اسكەري جاۋاپ قايتاراتىنى بەلگىلى بولدى. ءبىراق قارىمتا شابۋىلدىڭ قاي كەزدە جاسالاتىنى، قالاي بولاتىنى تۋرالى ناقتى شەشىم قابىلدانبادى.