يزرايل يراننىڭ شابۋىلىنا جاۋاپ بەرەدى
استانا. KAZINFORM - يزرايل ارمياسى باس شتابىنىڭ باسشىسى گەرتسي حاليەۆي يزرايل يراننىڭ زىمىراندىق شابۋىلىنا جاۋاپ بەرەتىنىن جانە ونى قالاي جاساۋ كەرەكتىگىن شەشىپ جاتقانىن ايتتى، دەپ حابارلايدى Euronews.
«يران ءوز ارەكەتىنىڭ زاردابىن تارتادى. ءتيىستى جاۋاپتى تاڭدايمىز. س ا ح ا ل كەز كەلگەن قاۋىپكە قارسى تۇرۋعا دايىن»، - دەدى ول.
يزرايل پرەمەر-ءمينيسترى بينيامين نەتانياحۋ س ا ح ا ل-دان يرانعا ادام شىعىنىنسىز «سيگنال جىبەرەتىن» نىسانا نۇسقالارىن ۇسىنۋىن سۇرادى.
ەسكە سالا كەتسەك، سەنبى كۇنى كەشكە يران ءوز اۋماعىنان يزرايلگە قاراي سوققى جاساۋعا ارنالعان ۇشقىشسىز ۇشۋ اپپاراتتارى مەن زىمىرانداردىڭ ۇلكەن تولقىنىن ۇشىردى، بۇل - يسلام رەسپۋبليكاسىنىڭ ەۆرەي مەملەكەتىنە العاش رەت تىكەلەي شابۋىل جاساۋى.
ايتا كەتەيىك، يزرايل سىرتقى ىستەر مينيسترلىگى يراننىڭ شابۋىلىنا قاتىستى پىكىر بىلدىرگەن بولاتىن.
اۆتور
زارينا تۋعانبايەۆا
