يزرايل سىرتقى ىستەر مينيسترلىگى يراننىڭ شابۋىلىنا قاتىستى پىكىر ءبىلدىردى

استانا. KAZINFORM - يزرايل سىرتقى ىستەر مينيسترلىگى يراننىڭ شابۋىلىنا قاتىستى پىكىر ءبىلدىردى.

يزرايل س ءى م رەسمي پرەسس-رەليز دايىندادى جانە ونىڭ مەسسەدج-پاراعى مىناداي:

1. يزرايلگە شابۋىل. وتكەن تۇندە يران يزرايلگە جۇزدەگەن زىمىران مەن ۇشقىشسىز ۇشاقتى جاۋدىرىپ، اياۋسىز جانە بۇرىن-سوڭدى بولماعان شابۋىل جاسادى. حالىقارالىق كۇشتەردىڭ قولداۋىمەن IDF ولاردىڭ كوپشىلىگىن ءساتتى زالالسىزداندىردى.

2. يزرايل كەز كەلگەن سەناريگە دايىن: قورعانىسقا دا، شابۋىلعا دا. بىزگە شابۋىل جاساعان نەمەسە شابۋىلداۋدى جوسپارلاعانداردىڭ بارلىعىنا سوققى بەرەمىز.

3. يران يزرايلگە جانە ازات الەمگە قارسى ارەكەتتەرىمەن جانە لاڭكەستىك پروكسيلەرىن پايدالانۋىمەن جاعدايدى تۇراقسىزداندىرىپ، ايماقتاعى بەيبىتشىلىككە قاۋىپ ءتوندىرىپ وتىر.

4. يران يزرايل مەملەكەتىن جويۋ ماقساتىن اشىق جاريالايدى جانە سوعان سايكەس ارەكەت ەتەدى. الەمدەگى ەشبىر ەل ءوزىنىڭ ءومىر سۇرۋىنە قايتا-قايتا قاۋىپ توندىرۋگە شىدامايدى.

5. ا ق ش پەن باتىس دەرجاۆالارى يزرايلدى قولدايدى. ەندى حالىقارالىق قاۋىمداستىق يراندى توقتاتىپ، ونىڭ لاڭكەستىك ارەكەتتەرىن جالعاستىرىپ، يزرايلگە جانە ايماققا قاۋىپ ءتوندىرۋ ارەكەتتەرىنە جول بەرمەۋى كەرەك. الەمدىك بەيبىتشىلىككە قاۋىپ توندىرەتىن رەجيمنىڭ يادرولىق قارۋعا يە بولۋىنا جول بەرۋگە بولمايدى.

6. قورعانىس ورگاندارىنىڭ بۇيرىقتارى ازىرگە كۇشىندە. بۇيرىقتى ورىنداۋ ءومىردى ساقتايدى.

«كەلىسىمنەن باس تارتىپ، قيسىنسىز تالاپتار قويىپ وتىرعان حاماس لاڭكەستىك ۇيىمىنىڭ قولىندا قاتىگەزدىكپەن تۇتقىنعا الىنعان 133 كەپىلدى ۇيلەرىنە قايتارۋ ءۇشىن قولدان كەلگەننىڭ ءبارىن جاساپ جاتىرمىز. كەپىلگە الىنعانداردى بوساتۋدى قامتاماسىز ەتەتىن نەگىز جاساۋ جالعاسادى: اسكەري ارەكەتتەرمەن قاتار، كەلىسسوزدەر، اراداعى ەلدەرمەن تۇراقتى بايلانىستار جۇرگىزىلەدى. ءبىز وڭتۇستىك پەن سولتۇستىكتىڭ تۇرعىندارى ۇيلەرىنە امان-ەسەن ورالۋى ءۇشىن يزرايلدىكتەرگە تونگەن لاڭكەستىك قاۋىپتى بارلىق جاعىنان جويۋدى جالعاستىرامىز»، - دەپ جازىلعان پرەسس-رەليزدە.

اۆتور

ايجان سەرىكجان قىزى