يزرايل گەنەرالدى ولتىرگەنى ءۇشىن كەك العان جاعدايدا يراننىڭ يادرولىق نىساندارىنا سوققى بەرۋگە دايىن
استانا. KAZINFORM -تەگەران داماسكىدە گەنەرال موحامماد رەزا زاحەديدى ولتىرگەنى ءۇشىن كەك الۋعا شەشىم قابىلداسا، يزرايل يراننىڭ يادرولىق نىساندارىنا سوققى بەرۋ ارقىلى جاۋاپ قايتارۋعا دايىن.
بۇل تۋرالى بريتاندىق The Sun باسىلىمى باتىستىق قاۋىپسىزدىك اگەنتتىكتەرىندەگى دەرەككوزدەرگە سىلتەمە جاساپ حابارلادى، دەپ جازدى ت ا س س اقپارات اگەنتتىگى.
باسىلىمنىڭ اتاپ وتۋىنشە، ءيزرايلدىڭ مۇنداي ارەكەتتەرى بۇكىل تاياۋ شىعىس ءۇشىن بولجاۋعا بولمايتىن سالدارعا اكەلۋى مۇمكىن.
1-ساۋىردە SANA اگەنتتىگى يزرايل اۋە كۇشتەرى داماسك قالاسىنداعى ۇيگە سوققى جاساعانىن حابارلادى. يراندىق ب ا ق ەلدىڭ سيريا استاناسىنداعى كونسۋلدىق عيماراتى اتقىلانعانىن مالىمدەدى. يسلام ريەۆوليۋتسياسى ساقشىلار كورپۋسىنىڭ قوعاممەن بايلانىس ءبولىمى جەتى اسكەري كەڭەسشى: گەنەرالدار موحامماد رەزا زاحەدي مەن موحامماد حادي حادجي ءراحيميدىڭ جانە تاعى بەس وفيتسەردىڭ قازا تاپقانىن جاريا ەتتى.
يراننىڭ IRIB مەملەكەتتىك تەلەارناسىنىڭ حابارلاۋىنشا، زاحەدي ليۆان مەن سيرياداعى يرسك- نىڭ «ءال كۋدس» كۇشتەرىنىڭ بولىمشەلەرىن باسقارعان.
يراننىڭ رۋحاني جەتەكشىسى اياتوللا ءالي حامەنەيدىڭ مالىمدەۋىنشە، تەگەران ءيزرايلدى سوققى جاساعانى ءۇشىن وكىنەتىنىن، ال پرەزيدەنت ەبراحيم رايسي شابۋىل جاۋاپسىز قالمايدى دەپ ۋادە بەردى.
