يزرايل مەن حاماس اتىستى توقتاتۋ تۋرالى كەلىسىمگە كەلدى - ب ا ق

استانا. KAZINFORM - يزرايل مەن حاماس گازا سەكتورىندا 2023 - جىلدىڭ قازان ايىنان بەرى جالعاسىپ كەلە جاتقان سوعىستى توقتاتۋعا كەلىستى، دەپ حابارلايدى Kazinform Euronews كە سىلتەمە جاساپ.

Газадағы құрбандар саны 45 805-ке жетті
Фото: Анадолы

يزرايل مەن حاماس اتىستى توقتاتۋ جانە كەپىلگە الىنعانداردى بوساتۋ تۋرالى كەلىسىمگە كەلدى. بۇل تۋرالى The Times of Israel ا ق ش پەن اراب شەنەۋنىگىنە سىلتەمە جاساي وتىرىپ حابارلايدى.

الداعى ساعاتتاردا رەسمي مالىمدەمە جاسالادى دەپ كۇتىلىپ وتىر. Associated Press اگەنتتىگىنىڭ حابارلاۋىنشا، كاتار مەن حاماس وكىلدەرى اراداعى داۋدىڭ سوڭعى نۇكتەسى قويىلعانىن مالىمدەدى. وسى كەلىسىم تۋرالى باسقا دا بۇقارالىق اقپارات قۇرالدارى حابارلاپ جاتىر.

Reuters اگەنتتىگىنىڭ مالىمەتىنشە، كەلىسىم اتىستى التى اپتاعا توقتاتۋدى، يزرايل اسكەرلەرىن كەزەڭ-كەزەڭىمەن شىعارۋدى، حاماس ۇستاعان كەپىلدەردى بوساتۋدى جانە يزرايلدە ۇستالعان پالەستينالىق تۇتقىنداردى بوساتۋدى قامتيدى.

Al Jazeera Arabic جانە Sky News تەلەارنالارىنىڭ دەرەگىنشە، حاماس وكىلى وزدەرىنىڭ جەتەكشىلەرى حاليل ال- حايانىڭ كەلىسىمدى دوحاداعى دەلدالدار ارقىلى ماقۇلداعانىن ايتتى. يزرايلدىك شەنەۋنىك The Times of Israel باسىلىمىنا اتىستى توقتاتۋ جانە كەپىلگە الىنعانداردى بوساتۋ تۋرالى كەلىسىمگە قول جەتكىزىلگەنىن راستادى.

ا ق ش- تىڭ جاڭادان سايلانعان پرەزيدەنتى دونالد ترامپ Truth الەۋمەتتىك جەلىسىندە «كەلىسىمگە قول جەتكىزىلگەنىن» جانە كەپىلگە الىنعانداردىڭ «جاقىن ارادا» بوساتىلاتىنىن جازدى.

قاتار يزرايل مەن حاماس- قا گازا سەكتورىنداعى اتىستى توقتاتۋ تۋرالى كەلىسىمنىڭ سوڭعى جوباسىن ۇسىندى.

سوڭعى جاڭالىقتار