يزرايل ليۆاننىڭ سولتۇستىك- شىعىسىنان سوققى جاسادى

استانا. KAZINFORM - يزرايل اسكەري-اۋە كۇشتەرىنىڭ جويعىشتارى ليۆاننىڭ سولتۇستىك- شىعىس بولىگىندەگى قالالار مەن ەلدى مەكەندەرگە قارقىندى رەيدتەر جۇرگىزدى، دەپ حابارلايدى تاسس اگەنتتىگى.

Lebanon 24 اقپارات پورتالىنىڭ حابارلاۋىنشا، باالبەك پەن حەرمەل ماڭىنداعى 20 ەلدى مەكەنگە، سونىڭ ىشىندە بريتەل، دۋريس، سارين جانە شيمستار قالالارىنا اۋە شابۋىلى جاسالعان.

زارداپ شەككەندەر تۋرالى اقپارات بار: بۋداي اۋىلىنىڭ التى ادامنان تۇراتىن وتباسى قازا تاپقان.

بۇعان دەيىن يزرايل ليۆاننىڭ وڭتۇستىگىنە شابۋىل جاساعان بولاتىن. ليۆان دەنساۋلىق ساقتاۋ مينيسترلىگىنىڭ مالىمەتى بويىنشا، سوڭعى تاۋلىكتە اۋە شابۋىلدارى سالدارىنان 38 ازامات قازا تاۋىپ، تاعى 124 ادام جارالانعان.

ەسكە سالايىق، قاتاردا كەپىلگە الىنعانداردى ايىرباستاۋ جانە گازا سەكتورىندا بىتىمگە كەلۋ تۋرالى كەلىسسوزدەردىڭ قايتا جاندانۋى اياسىندا قاتارداعى حاماس ساياسي بيۋروسىنىڭ جوعارى لاۋازىمدى مۇشەسى حۋسام بادران دۇيسەنبى كۇنى كەلىسىمگە كەلۋ مۇمكىن ەكەنىن ايتتى. ونىڭ بۇل سوزدەرى حاماسقا قاراستى Shehab اقپارات اگەنتتىگى تاراتقان قىسقا حابارلامادا ايتىلعان.