يزرايل ليۆانداعى تۇرعىن ۇيلەردى اتقىلاپ، 20 دان اسا ادام زارداپ شەكتى

استانا. KAZINFORM - يزرايل اسكەرىنىڭ ليۆان استاناسى بەيرۋتقا جاساعان جاپپاي اۋە شابۋىلىنان تۇرعىن ۇيلەر، دەپ جازادى BBC.

ليۆان دەنساۋلىق ساقتاۋ مينيسترلىگىنىڭ مالىمەتىنشە، اۋە سوققىسىنان ءتورت ادام قازا تاۋىپ، 20 دان استامى جارالانعان.

ليۆان ۇلتتىق اقپارات اگەنتتىگىنىڭ (NNA) حابارلاۋىنشا، ەل استاناسىنىڭ حالىق تىعىز ورنالاسقان باستا اۋدانىندا بەس زىمىران شابۋىلى ناتيجەسىندە 8 قاباتتى عيمارات تولىعىمەن قيرادى.

يزرايل شابۋىلى سەنبى كۇنى جەرگىلىكتى ۋاقىت بويىنشا تاڭعى ساعات 04:00 (GMT 0200) شاماسىندا بولدى.

يزرايل اسكەريلەرى جاعدايعا قاتىستى ازىرگە تۇسىنىك بەرگەن جوق.

بۇعان دەيىن يزرايل ارمياسى سيريانىڭ تاريحي قالاسى پالميراعا جاساعان اۋە شابۋىلىنان 36 ادام كوز جۇمىپ، تاعى 50 ادام جارالاندى. اۋە سوققىلارى تۇرعىن ۇيلەر مەن وندىرىستىك وشاقتارعا جاسالعان.