يزرايل حاماس- پەن اراداعى بىتىمگەرشىلىكتى قانداي جاعدايدا ۇزارتاتىنىن مالىمدەدى
يزرايل بىتىمگەرشىلىكتىڭ ءار كۇنىندە حاماس 10 تۇتقىننان بوساتىپ وتىراتىن بولسا، اتىستى توقتاتۋ كەزەڭىن ۇزارتۋعا دايىن ەكەنىن مالىمدەدى، دەپ حابارلايدى Kazinform.
وسى ۋاقىتقا دەيىن يزرايل تۇرمەلەرىنەن 117 پالەستينالىق تۇتقىن بوساتىلدى. تاعى 40 ادام 27 قاراشادا شىعارىلادى دەپ جوسپارلانعان. سونىمەن قاتار يزرايلدىڭ يەۆرەي مەملەكەتى مەن سودىرلار اراسىنداعى كەلىسىم اياسىندا تۇرمەدەن بوساتىلاتىندار تىزىمىندە تاعى 150 گە جۋىق ادام بار، دەپ جازادى The Times of Israel گازەتى.
بۇعان دەيىن يزرايل مەن حاماس اراسىندا 27-قاراشادا بوساتىلاتىن كەپىلگە الىنعاندار مەن پالەستينالىق تۇتقىندار تىزىمىنە قاتىستى كەلىسپەۋشىلىك تۋىنداعانى حابارلانعان بولاتىن.
يزرايل مەن حاماس اراسىنداعى بىتىمگە جانە تۇتقىن الماسۋعا اراشا بولعان كاتار بۇل ماسەلەنى شەشۋگە تىرىسىپ جاتىر.
ەستەرىڭىزگە سالا كەتەيىك، قازىر يزرايل مەن حاماس اراسىندا كاتاردىڭ ارالاسۋىمەن قول جەتكىزىلگەن ءتورت كۇندىك ءبىتىم اياسىندا تۇتقىن الماسۋ ءىسى ءجۇرىپ جاتىر. كەشە تاراپتار اراسىنداعى كەلىسىم اياسىندا تۇتقىنداردىڭ ءۇشىنشى لەگى بوستاندىققا شىقتى.
