يزرايل ۇشاقتارى سانانىڭ حالىقارالىق اۋەجايىنا سوققى جاسادى

استانا. KAZINFORM - حۋسيتتەردىڭ باقىلاۋىنداعى يەمەن استاناسىنداعى حالىقارالىق اۋەجاي تولىقتاي ىستەن شىقتى، دەپ حابارلايدى Kazinform مەنشىكتى ءتىلشىسى.

يەمەن بۇقارالىق اقپارات قۇرالدارى وكىلدەرىنىڭ مالىمەتتەرىنە قاراعاندا، يزرايل ا ا ك- ءنىڭ جويعىش ۇشاقتارى حۋسيتتەر باقىلايتىن يەمەن استاناسى ساناداعى حالىقارالىق اۋەجايعا سوققى جاسادى.

يزرايلدىڭ قورعانىس اسكەرى حۋسيتتەردىڭ بەن-گۋرين اۋەجايىنا جەكسەنبى كۇنى جاساعان شابۋىلىن قوسا العاندا، يزرايلگە بىرنەشە قايتارا جاساعان سوققىسىنا جاۋاپ رەتىندە يەمەندى اۋەدەن بىرنەشە رەت اتقىلاپ، ەل استاناسى ساناداعى حالىقارالىق اۋەجايدىڭ كۇل-تالقانىن شىعاردى.

يزرايل اسكەريلەرىنىڭ سوزىنشە، حۋسيتتەر باقىلاپ وتىرعان ەل استاناسى ساناداعى اۋەجاي تولىق ىستەن شىققان. سونداي-اق يزرايل اسكەرى اۋەجايدى حۋسيتتەر سودىرلاردىڭ قارۋ-جاراقتارىن تاسىمالداۋ ءۇشىن پادالانعانىن، سونىمەن قاتار اۋەجايدى حۋسيتتەر وزگە دە تەرروريستىك ماقساتتار ءۇشىن پايدالانعانىن ايتتى.

سوققى جاسار الدىندا يزرايل اسكەرى سانا حالىقارالىق اۋەجايىنداعىلاردى شۇعىل ەۆاكۋاتسيا تۋرالى ەسكەرتكەن.

- ءبىز شۇعىل تۇردە اۋەجايى ايماعىنان كەتۋدى جانە جاقىن اراداعى ادامداردىڭ بارلىعىنا بۇل ايماقتان تەز ارادا كەتۋ تۋرالى ەسكەرتۋگە شاقىرامىز، - دەپ مالىمدەدى يزرايل قورعانىس ارمياسىنىڭ وكىلى اراب تىلىندە.

بۇعان قوسا ءيزرايلدىڭ قورعانىس ارمياسى ولاردىڭ ماقساتى حۋسيتتەر پايدالاناتىن سانا ماڭىنداعى بىرنەشە ەلەكتر ستانتسياسى، سونداي-اق تەرروريستىك توپ تۋننەلدەردىڭ ينفراقۇرىلىمىنىڭ قۇرىلىسىنا پايدالانعان ەل استاناسىنان سولتۇستىكتە ونالاسقان سەمەنت زاۋىتىن جويۋ بولعانىن اتاپ ءوتتى.

اسكەريلەردىڭ سوزىنشە، بەتون زاۋىتىنا جاسالعان سوققى رەجيمنىڭ ەكونوميكاسى مەن ونىڭ اسكەري الەۋەتىنە سوققى بولاتىنىن جەتكىزدى.

وسىعان دەيىن يزرايل اۋە كۇشتەرى زىمىران شابۋىلىنا جاۋاپ رەتىندە يەمەنگە سوققى جاسادى.