يزرايل ءوز ازاماتتارىنا ورتالىق ازيا ەلدەرىنە ساپار جاساۋدان باس تارتۋعا كەڭەس بەردى

  يزرايل ءوز ازاماتتارىنا ەرەكشە قاجەتتىلىك بولماسا ساپارعا شىعۋعا بولمايتىن ەلدەردىڭ ءتىزىمىن جاريالادى.

بۇل تىزىمگە ورتالىق ازيا ەلدەرى، ونىڭ ىشىندە قازاقستان دا كىردى. Kazinform اگەنتتىگى بۇل تۋرالى The Times of Israel-عا سىلتەمە جاساپ حابارلايدى.

تىزىمگە سونداي- اق افريكانىڭ كەي مەملەكەتتەرى، وزبەكستان، تۇرىكمەنستان جانە ت. ب. كىردى.

يزرايلدىڭ ۇلتتىق قاۋىپسىزدىك كەڭەسى مالىمدەمەسىندە حاماس بۇكىل الەم بويىنشا يزرايلدىكتەرگە شابۋىل جاساۋى مۇمكىن بولعاندىقتان، ءوز ازاماتتارىنىڭ قاۋىپسىزدىگى ءۇشىن قورقاتىنىن جانە سوندىقتان ولاردان ءبىرقاتار ەلگە قاجەتسىز ساپارلاردى كەيىنگە قالدىرۋدى سۇرايتىنىن ايتتى.

ۇيىم سونىمەن قاتار بارلىق ەلدەرگە 1 دەن 4 دەڭگەيگە دەيىنگى شكالا تاعايىنداعان كەستە جاريالادى.

ءۇشىنشى دەڭگەيدە ورتالىق ازيا ەلدەرى، وڭتۇستىك افريكا رەسپۋبليكاسى جانە ەريترەيا ەلدەرى بەلگىلەنگەن. رەسەي مەن اۋستراليا ەكىنشى ساناتقا جاتقىزىلدى.