يزرايل گازاعا ازىق-تۇلىك اپارا جاتقان ب ۇ ۇ-نىڭ جۇك كولىگىنە وق جاۋدىردى

Хезболла атаковало Израиль
Фото: aa.com.tr

استانا. KAZINFORM - بىرىككەن ۇلتتار ۇيىمىنىڭ تاياۋ شىعىستاعى پالەستينالىق بوسقىندارعا كومەك كورسەتۋ جونىندەگى اگەنتتىگىنىڭ (UNRWA) گۋمانيتارلىق ازىق- تۇلىك كەرۋەنىنە يزرايل اسكەري- تەڭىز كۇشتەرى وق اتتى.

بۇل تۋرالى UNRWA نىڭ پالەستينا انكلاۆىنداعى وپەراتسيالار جونىندەگى ديرەكتورى توماس ۋايت X الەۋمەتتىك جەلىسىندە حابارلادى.

«بۇگىن تاڭەرتەڭ گازا سەكتورىنىڭ سولتۇستىگىنە اتتانعالى تۇرعان ازىق- تۇلىك كولونناسىنا يزرايل اسكەري-تەڭىز كۇشتەرى وق جاۋدىردى، باقىتىمىزعا وراي ەشكىم زارداپ شەككەن جوق»، - دەدى ۋايت.

سونىمەن قاتار UNRWA انكلاۆتىڭ بارلىق بولىكتەرىنە قاۋىپسىز كىرىپ-شىعۋ مۇمكىندىگى قاجەت ەكەنىن ايتتى.

"ءبىز وق استىندا گۋمانيتارلىق كومەك جەتكىزە المايمىز. قاۋىپسىز جانە تۇراقتى گۋمانيتارلىق كومەك بارلىق جەردە، سونىڭ ىشىندە گازانىڭ سولتۇستىگىندە دە شۇعىل قاجەت"، - دەلىنگەن اگەنتتىك مالىمدەمەسىندە.

ايتا كەتەيىك، قاڭتار ايىنىڭ سوڭىندا يزرايل ب ۇ ۇ- نىڭ 12 شەنەۋنىگىن حاماس- تىڭ 2023 -جىلعى قازانداعى شابۋىلىنا تىكەلەي قاتىسى بار دەپ ايىپتاعان بولاتىن. UNRWA بۇل ايىپتاۋدان كەيىن بىرنەشە قىزمەتكەردى تەكسەرگەنىن ايتتى.

اگەنتتىكتىڭ باس كوميسسارى فيليپە لازارينيدىڭ ايتۋىنشا، يزرايلگە جاسالعان شابۋىلدارعا قاتىسى بار دەگەن كۇدىكتىلەر ءقازىردىڭ وزىندە قىزمەتىنەن بوساتىلعان.

وتكەن اپتادا ب ۇ ۇ باس حاتشىسى انتونيۋ گۋتەرريش UNRWA- نىڭ گازا سەكتورىنىڭ حالقىنا كومەكتەسۋدە ۇلكەن ءرولى بار، سوندىقتان اگەنتتىك جۇمىسىنا كەپىلدىك بەرۋ كەرەك دەدى.

الايدا يزرايلدىڭ ايىپتاۋىنان كەيىن ا ق ش، گەرمانيا، اۆستراليا، ۇلى بريتانيا، يتاليا، كانادا، نيدەرلاندى، فينليانديا، جاپونيا جانە اۆستريا UNRWA- نى قارجىلاندىرۋدى توقتاتقانىن جاريالادى.

سوڭعى جاڭالىقتار