يزرايل گازا سەكتورىندا وپەراتسيا باستاۋعا دايىن

بۇگىن يزرايل مەن پالەستينا اراسىنداعى قارۋلى قاقتىعىستىڭ ءتورتىنشى كۇنى. ەكى جاقتان دا قۇرباندار بار. ەۆرەي مەملەكەتىنىڭ دەنساۋلىق ساقتاۋ ءمينيسترى 900 دەن اسا ادامنىڭ قايتىس بولعانىن حابارلادى.

تاعى 2 جارىم مىڭنان استامى جاراقات العان. پالەستينا تارابىنىڭ ءتيىستى مينيسترلىگى 700 گە تارتا كىسىنىڭ قازاسىن راستادى. تاعى 3700 دەن استامى جارالانعان. قۇرباندار اراسىندا شەتەلدىكتەر دا بار. جالپى تاياۋ شىعىستاعى احۋالدىڭ تانىشتالاتىن ءتۇرى جوق. الەمدىك قاۋىمداستىق قارۋلى قاقتىعىستى توقتاتۋعا شاقىرىپ وتىر. ال ەرتەڭ ەگيپەتتە اراب مەملەكەتتەرىنىڭ ليگاسى شيەلەنىستى تالقىلاۋ ءۇشىن ارنايى كەزدەسۋ وتكىزەدى. يزرايلدىڭ قارۋلى كۇشتەرى گازا سەكتورىمەن شەكارالاس ايماقتا تولىعىمەن باقىلاۋ ورناتقانىن حابارلايدى. بىرنەشە كۇن بۇرىن ەكى تاراپتى ءبولىپ تۇرعان 40 شاقىرىمدىق قورشاۋدى حاماس جاساقتارى بۇزىپ وتكەن ەدى. ءبىراق ەۆرەي مەملەكەتىنىڭ اسكەرى كەيىنگى تاۋلىكتە ودان بىردە ءبىر ادام وتە الماعانىن ايتادى. ەندى الداعى كۇندەرى گازا سەكتورىندا قۇرلىقتاعى قارۋلى وپەراتسيا باستالادى. قازىر دايىندىق جۇمىستارى قىزۋ ءجۇرىپ جاتىر. ول ءۇشىن رەزەرۆتەگى 300 مىڭ جاۋىنگەر شاقىرتىلعان. ساراپشىلار وسىلايشا ەۆرەي مەملەكەتى گازا سەكتورىندا ۋاقىتشا باقىلاۋ ورناتۋى مۇمكىن دەيدى. بۇل حاماس وكىلدەرىنىڭ ينفراقۇرىلىمدارىن جەرمەن جەكسەن ەتۋ ءۇشىن قاجەت. ويتكەنى اۋە شابۋىلدارىمەن ولاي جاساۋ مۇمكىن بولماي تۇر.

بەەر- شيەۆا دەنيەل حاگاري، يزرايل قورعانىس اسكەرىنىڭ كونتر- ادميرالى:

"يزرايل اسكەرى گازا سەكتورى توڭىرەگىندەگى ايماقتىڭ بارلىعىن باقىلاۋدا ۇستاپ وتىر. جەر قازىپ استىمەن وتكەن بولعان وقيعالار بولدى. ءبىراق ولاردىڭ بەتى قايتارىلدى. " يزرايل گازا سەكتورىن قورشاۋعا الۋىنىڭ سالدارىنان وڭىردە كۇردەلى گۋمانيتارلىق داعدارىس ورناۋى مۇمكىن. پالەستينا بيلىگى وسىلاي دەپ وتىر. ويتكەنى حاماس شابۋىلدارىنا جاۋاپ رەتىندە يەۆرەي مەملەكەتى ايماققا جارىق، سۋ مەن گازدىڭ بەرىلۋىن توقتاتقان. ازىق- تۇلىك پەن ءدارى- دارمەك تە تاسىمالدانبايدى. كەيىنگى مالىمەتكە سايكەس گازا سەكتورىندا 2 ميلليون 300 مىڭ ادام تۇرادى. سولاردىڭ 80 پايىزى گۋمانيتارلىق كومەككە مۇقتاج. كەيبىر دەرەكتەر بويىنشا مۇندا ارى كەتسە 72 ساعاتقا عانا جەتەتىندەي وتىن قورى قالعان. يزرايل تارابى تەك قارۋلى توپتار بەكىنگەن ورىنداردى عانا سوققىلاپ جاتىرمىز دەسە، پالەستينا جاعى بوسقىندار لاگەرى دە بومبالانعانىن ايتادى. بوسقىندار دەمەكشى، ب ۇ ۇ وكىلدەرىنىڭ حابارلاۋىنشا، گازا سەكتورىنداعى 123 مىڭنان اسا ادام ءۇي- جايىن تاستاپ، باسى اۋعان جاققا كەتكەن.

" ءبىز اۋرۋحاناعا جاسىرىندىق. يزرايل ونى سوققىلاماۋى ءتيىس دەپ ويلادىق. ويتكەنى ەستۋىمىزشە، نەگىزىنەن قارۋلى توپتار بەكىنگەن ورىندار عانا اتقىلانىپ جاتىر. "

ءتۇنى بويى اتىس- شابىس ءجۇرىپ جاتتى. جارىق پەن ينتەرنەت بولمادى. اۋە شابۋىلدارى سالدارىنان ءۇيىمنىڭ ەسىگى مەن بالكونى زاقىمداندى. ابىروي بولعاندا، بالالارىم امان. تۇنگى ءبىر جارىمعا دەيىن دالادا كومەك كۇتتىك. ءبىزدى جەدەل جاردەم كەپ اكەتتى. وسىنداي كۇن كەشەتىندەي مەنىڭ نە كىنام بار؟ بالالارىمنىڭ جازىعى نە؟" رەيتەرس اگەنتتىگىنىڭ مالىمەتىنشە، يزرايلگە شابۋىل ءبىر جىلعا جۋىق دايىندالعان. اسىرەسە يەۆرەي ەلى ارنايى قىزمەتىنىڭ قىراعىلىعىن جوعالتۋ جاعىنا كوپ كوڭىل بولىنگەن. ەگيپەتتىڭ قاۋىپسىزدىك كۇشتەرى شابۋىل بولاتىنىن ەسكەرتكەن. الايدا يزرايلدىك ارىپتەستەرى ونى ەلەمەسە كەرەك. شەتەلدىك اقپارات كوزدەرىندە اۋەلدەن- اق وعان يراننىڭ قاتىسى بار بولۋى مۇمكىن دەگەن بولجامدار ايتىلدى.

ۋولل ستريت دجورنال باسىلىمىنىڭ مالىمدەۋىنشە، تامىزدان بەرى حاماس وكىلدەرى يرانداعى يسلام ريەۆوليۋتسياسى ساقشىلارىنىڭ كورۋپۋسىمەن كەزدەسىپ وتىرعان. الايدا يسلام رەسپۋبليكاسىنىڭ بيلىگى مۇنىڭ ءبارىن جوققا شىعاردى.

يران اياتوللا ءالي حامەنەي، يراننىڭ رۋحاني كوشباسشىسى:

"يزرايلگە جاسالعان شابۋىلعا يران جاردەمدەستى دەگەن مالىمەت تاراپ جاتىر. بۇل جالعان اقپارات. ارينە پالەستيناعا قولداۋ بىلدىرەمىز. ءبىراق بۇل شابۋىلعا ءبىزدىڭ قاتىسىمىز جوق."

الەمدىك قاۋىمداستىق قارۋلى قاقتىعىستى توقتاتۋعا شاقىرىپ وتىر. العاشقىلاردىڭ ءبىرى بولىپ ءتيىستى مالىمدەمەنى ب ۇ ۇ- نىڭ وكىلدەرى جاسادى. 9-قازانعا قاراعان ءتۇنى قاۋىپسىزدىك كەڭەسىنىڭ وتىرىسى ۇيىمداستىرىلدى. الايدا باسقوسۋ ناتيجەسىز ءوتتى. ويتكەنى ءيزرالدىڭ تۇراقتى وكىلى حاماس- پەن بەيبىت كەلىسىمگە كەلۋ تۋرالى كەلىسسوزدەر جۇرگىزبەيتىنىن جەتكىزدى. ەندى بار ءۇمىت اراب مەملەكەتتەرى ليگاسىندا. ۇيىمنىڭ وتىرىسى ەرتەڭ كايردە بەلگىلەنگەن. تاياۋ شىعىستاعى احۋالعا قاتىستى باسقوسۋ سىرتقى ىستەر مينيسترلەرىنىڭ دەڭگەيىندە وتەدى. كوبىن جاعداي ارى قاراي قالاي ءوربيدى دەگەن ساۋال مازالايدى. 

www.24.kz