يزرايل اسكەرى گازا سەكتورىنا كىردى - بينيامين نەتانياحۋ

يزرايل اسكەرى پالەستينالىق راديكالدى ۇيىم حاماستى جويۋ جانە 7- قازاندا يزرايلگە شابۋىل كەزىندە اتالعان ۇيىم تۇتقىنعا العان ادامداردى بوساتۋ ءۇشىن گازا سەكتورىنىڭ اۋماعىنا كىردى.

بۇل تۋرالى ەلدىڭ پرەمەر-ءمينيسترى بينيامين نەتانياحۋ ءوز ۇلتىنا تەلەۇندەۋدە ايتتى. kazinform بۇل تۋرالى تاسسقا سىلتەمە جاساپ حابارلايدى.

«يزرايل ازاماتتارى، وتكەن ءتۇنى ءبىزدىڭ قۇرلىقتاعى اسكەرىمىز گازا قاقپاسىنان ءوتىپ، زۇلىمدىق اپانىنا كىردى. بۇل - ناقتى ماقساتى بار سوعىس: حاماستىڭ كوزىن جويۋ جانە تۇتقىنداردى قايتارۋ»، - دەدى ول.

ايتا كەتەيىك، 28- قازان كۇنى كەشكە تۇركيا پرەزيدەنتى رەجەپ تايپ ەردوعان ىستانبۇلدا پالەستينالىقتاردى قولداۋعا باعىتتالعان جانە ميلليوننان استام ادام قاتىسقان ميتينگىدە ءسوز سويلەگەن بولاتىن. ول يزرايل پرەمەر-ءمينيسترى بەنيامين نەتانياحۋدى تەرروريست دەپ اتاپ، يزرايلدى باسقىنشىلىق ءۇشىن كىنالاپ، باتىس ەلدەرىن پالەستينالىقتاردى جاپپاي ءولتىردى دەپ ايىپتادى. وسىدان كەيىن يزرايل سىرتقى ىستەر ءمينيسترى ەلي كوەن تۇركياداعى ديپلوماتتارىن كەرى قايتارۋ تۋرالى شەشىم قابىلداعانىن مالىمدەدى.

7- قازاندا پالەستيناداعى حاماس توبى يزرايلگە شابۋىل جاساپ، ەلدەر سوعىس جاعدايىنا كوشتى.

9- قازاندا يزرايل گازا سەكتورىنا اپارار جولداردى تولىق جاۋىپ تاستادى. ياعني حالىق جارىق، تاماق جانە جانار-جاعارمايسىز قالدى.