يزرايل اسكەرى پالەستينالىقتاردى شابۋىلعا دەيىن رافاحتىڭ شىعىسىنان كەتىپ قالۋعا شاقىردى
استانا. KAZINFORM - يزرايل اسكەرى گازا سەكتورىنىڭ وڭتۇستىگىندەگى ايماققا جوسپارلانعان شابۋىل الدىندا پالەستينالىقتاردى يزرايل شەكاراسىنا جاقىن ورنالاسقان رافاح قالاسىنىڭ شىعىس اۋداندارىن ەۆاكۋاتسيالاۋعا شاقىردى.
يزرايل قورعانىس ارمياسى (تساحال) دۇيسەنبى كۇنى شىعىس رافاحقا ماتىندىك حابارلامالار جىبەرىپ، قوڭىراۋ شالدى جانە پالەستينالىقتارعا شابۋىل الدىندا كەتۋگە بولاتىن ايماقتار تۋرالى جانە بەلگىلەنگەن گۋمانيتارلىق ايماققا قانداي جولمەن بارۋ كەرەكتىگى تۋرالى نۇسقاۋلار بەردى.
«ۇكىمەتتىڭ حابارلاۋىنا سايكەس، يزرايل ارمياسى حاماس باقىلاۋىنداعى حالىقتى رافاحتىڭ شىعىس اۋداندارىن كەڭەيتىلگەن گۋمانيتارلىق ايماققا ۋاقىتشا كوشىرۋگە شاقىرادى»، - دەلىنگەن يزرايل اسكەريلەرىنىڭ مالىمدەمەسىندە.
بەيبىت تۇرعىنداردى ءال- ماۆاسي جانە حان يۋنيس اۋداندارىنداعى كەڭەيتىلگەن گۋمانيتارلىق ايماققا كوشۋگە شاقىرىپ جاتىر، وندا كوشپەلى اۋرۋحانالار مەن پالەستينالىق بوسقىندار ءۇشىن لاگەرلەر سالىنعان.
ەۆاكۋاتسيا تۋرالى بۇيرىق ازىرگە گازانىڭ وڭتۇستىگىندەگى بۇكىل قالاعا ەمەس، رافاحتىڭ كەيبىر شىعىس اۋداندارىنا عانا قاتىستى.
حالىقارالىق قاۋىمداستىق يزرايلگە 1,5 ميلليون پالەستينالىق پانالاعان رافاحتاعى اسكەري وپەراتسيانىڭ «اپاتقا اكەلەتىنىن» ەسكەرتتى.
يزرايل اۋە كۇشتەرى دۇيسەنبىگە قاراعان ءتۇنى رافاحتاعى حاماس-تىڭ بىرنەشە پوزيتسياسىنا شابۋىل جاسادى. سالدارىنان 22 ادام قازا تاپتى، ونىڭ سەگىزى - بالا.
