يزرايل ارمياسى ليۆانمەن شەكارالاس ەلدى مەكەنگە سوققى جاسادى

 يزرايل ارتيللەرياسى ليۆانمەن شەكارالاس اۋدانعا وق جاۋدىردى. Kazinform بۇل تۋرالى انادولىعا سىلتەمە جاساپ حابارلايدى. 

ليۆاننىڭ NNA رەسمي اقپارات اگەنتتىگىنىڭ مالىمەتىنشە، يزرايل جاڭا سوققىلار جاساعان.

ارتيللەريالىق سناريادتار ليۆاننىڭ وڭتۇستىگىندەگى ناباتييە پروۆينتسياسىنىڭ ۆادي- حيام ەلدى مەكەنىنە تۇسكەن.

بۇعان دەيىن يزرايل سيريانىڭ داماسك جانە الەپپو قالالارىنداعى اۋەجايلارعا سوققى جاساعانىن جازعان بولاتىنبىز.

ەسكە سالايىق، 7-قازان كۇنى پالەستيناداعى حاماس توبى يزرايلگە شابۋىل جاساپ، ەلدەر سوعىس جاعدايىنا كوشكەن بولاتىن.

ءبىرقاتار مەملەكەت ءوز ازاماتتارىن يزرايلدەن ەۆاكۋاتسيالاۋدى ۇيىمداستىردى. قازاقستان دا اتالعان ەلدە جۇرگەن 124 قازاقستاندىق ءۇشىن رەپاترياتسيالىق رەيس ۇيىمداستىرىپ، ولاردى ەلگە جەتكىزدى.

يزرايل گازا سەكتورىن تولىق وقشاۋلاپ، جارىق، تاماق جانە وتىننىڭ جەتكىزىلۋىنە جولدى جاپتى. اسكەريلەر پالەستينا تۇرعىندارىنا مىسىرعا قاشۋدى ۇسىندى. 11-قازان كۇنى گازا سەكتورىنداعى جالعىز ەلەكتر ستانسياسى وتىن تاپشىلىعىنان جۇمىسىن توقتاتتى.

يزرايل - پالەستينا قاقتىعىسىنان قازا تاپقاندار سانى: يزرايلدە - 1300 ادام، پالەستينادا - 900 ادام، تاعى 4500 ادام جاراقات الدى. يوردان وزەنىنىڭ باتىس جاعالاۋىندا 21 پالەستينالىق ازامات قازا تاپتى، ونداعان تۇرعىن جارالاندى.