يزرايل پالەستينانىڭ تاۋەلسىز ەل بولۋىنا كەلىسپەيدى - نەتانياحۋ

استانا. KAZINFORM - يزرايل تولىققاندى ەگەمەندى پالەستينا مەملەكەتىن قۇرۋعا جانە وعان اسىرەسە قاۋىپسىزدىك سالاسىنداعى نەگىزگى وكىلەتتىكتەردى بەرۋگە كەلىسپەيدى.

بۇل تۋرالى دۇيسەنبى كۇنى اق ۇيدە ا ق ش پرەزيدەنتى دونالد ترامپپەن كەزدەسۋىندە جۋرناليستەردىڭ سۇراقتارىنا جاۋاپ بەرگەن يزرايل پرەمەر-ءمينيسترى بينيامين نەتانياحۋ ايتتى، دەپ حابارلايدى ت ا س س.

- مەنىڭ ويىمشا، پالەستينالىقتار ءوزىن-ءوزى باسقارۋعا بارلىق وكىلەتتىكتەرگە يە بولىپ، ءبىراق بىزگە (يزرايلدىكتەرگە) قاۋىپ توندىرمەۋى كەرەك. بۇل جالپى قاۋىپسىزدىككە قاتىستى وكىلەتتىكتەر ءارقاشان ءبىزدىڭ قولىمىزدا قالادى دەگەندى بىلدىرەدى، - دەدى ۇكىمەت باسشىسى تاياۋ شىعىس ماسەلەسىن ەكى ەل ارقىلى شەشۋگە بولا ما، دەگەن ماسەلەنى ناقتىلاۋ تۋرالى وتىنىشكە جاۋاپ بەرە وتىرىپ.

- اڭگىمە وسىدا، ياعني يزرايلدە ەشكىم دە بۇدان وزگەگە كەلىسپەيدى، ءبىز وزىمىزگە قول سالعالى وتىرعان جوقپىز، - دەدى نەتانياحۋ.

- ءبىز قاۋىپسىزدىگىمىز بەن وسى سالاداعى ەگەمەندى وكىلەتتىكتەرىمىز ءبىزدىڭ قولىمىزدان قالا بەرەتىن الەم قالىپتاستىرامىز.

- ەل بۇنى تولىققاندى مەملەكەت ەمەس (پالەستينانى)، بۇل مەملەكەت ەمەس دەۋى مۇمكىن. بىزگە ءبارىبىر ، - دەپ قوستى نەتانياحۋ.

ترامپ پالەستينا-يزرايل جانجالىن ەكى مەملەكەتتىڭ قاتار ءومىر ءسۇرۋى نەگىزىندە شەشۋ مۇمكىندىگى تۋرالى سۇراققا جاۋاپ بەرۋدەن جالتاردى.

- مەن بىلمەيمىن. بۇل سۇراقتى بەنيامين نەتانياحۋعا قويىڭىزدار، - دەدى ا ق ش پرەزيدەنتى.

يزرايلدىڭ گازاعا جاساعان تاڭعى شابۋىلىندا 39 پالەستينالىق قازا تاپقانى بۇعان دەيىن حابارلانعان بولاتىن.