ەگىز كۇتىپ جۇرگەن 5 جۇكتى اناعا قۇرساقىشىلىك بىرەگەي وتا جاسالدى
الماتى. KAZINFORM - الماتى قالاسىنداعى پەريناتولوگيا جانە بالالار كارديوحيرۋرگياسى ورتالىعىنىڭ دارىگەرلەرىمەن بىرلەسىپ، ەگىزدەرگە جۇكتى، ۇرىقتىڭ پاتولوگياسى دياگنوزى قويىلعان 5 ايەلگە تامىرلى اناستوموزداردى لازەرلىك كواگۋلياتسيالاۋ بويىنشا بەس بىرەگەي وپەراتسيا ءساتتى جاسالدى.
ق ر دەنساۋلىق ساقتاۋ مينيسترلىگىنىڭ مالىمەتىنشە، حيرۋرگتار جۇكتىلىگى 20,21,27 اپتا بولعان انالارعا قۇرساقىشىلىك بىرەگەي وپەراتسيالار جاساعان. وپەراتسيالارعا رەسەي دەنساۋلىق ساقتاۋ مينيسترلىگىنىڭ ۆ. ي. كۋلاكوۆ اتىنداعى اكۋشەرلىك، گينەكولوگيا جانە پەريناتولوگيا ۇلتتىق مەديتسينالىق زەرتتەۋ ورتالىعىنىڭ ۋلترادىبىستىق جانە فۋنكتسيونالدىق دياگنوستيكا ءبولىمىنىڭ مەڭگەرۋشىسى، مەديتسينا عىلىمدارىنىڭ دوكتورى، انا مەن ۇرىق مەديتسيناسى قوعامىنىڭ مۇشەسى (SMFM، ا ق ش) كيريلل ۆيتاليەۆيچ كوستيۋكوۆ قاتىستى.
پەريناتولوگيا جانە بالالار كارديوحيرۋرگياسى ورتالىعى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ەلدەگى ۇرىق حيرۋرگياسىن ەنگىزۋ جانە دامىتۋ جونىندەگى العاشقى پيلوتتىق جوباسى بولىپ تابىلاتىنىن اتاپ ءوتۋ ماڭىزدى.
فەتالدىق مەديتسينا (ۇرىق حيرۋرگياسى) - بۇل قۇرساقتاعى ۇرىق ەمدەلەتىن جوعارى مامانداندىرىلعان مەديتسينا سالاسى. ۇرىق حيرۋرگياسى ۇرىقتىڭ ەرتە پاتولوگيالىق جاعدايلارىن از ءينۆازيۆتى ەمشارالارمۇەن تۇزەتۋگە جانە ەمدەۋگە مۇمكىندىك بەرەتىن يننوۆاتسيالىق تەحنولوگيالارعا نەگىزدەلگەن، بۇل اناعا ساۋ بالا تۋىپ، باقىتتى انا بولۋعا مۇمكىندىك بەرەدى.
فەتالدىق حيرۋرگيا بويىنشا مپاستەر- كلاسس 2024 -جىلعى جەلتوقساندا قازاقستان رەسپۋبليكاسى دەنساۋلىق ساقتاۋ مينيسترلىگىنىڭ، الماتى قالاسى اكىمدىگىنىڭ جانە «ايالا» قايىرىمدىلىق قورىنىڭ قولداۋىمەن پەريناتولوگيا جانە بالالار كارديوحيرۋرگياسى ورتالىعىنىڭ بازاسىندا ءوتتى.
بۇعان دەيىن حابارلانعانداي، اتىراۋدا العاش رەت ناۋقاستىڭ ءوت جولىن كەڭەيتۋ وتاسى جاسالدى.
