ەم ىزدەگەن شەتەلدىكتەر قازاقستاندى ءجيى تاڭداي باستادى

بۇل تۋرالى قۇرىلتاي دەپۋتاتتارىنىڭ ساۋالىنا پرەمەر-مينيستر ولجاس بەكتەنوۆتىڭ جاۋابىندا ايتۆلعان.

- ەلىمىزدە مەديتسينالىق ءتۋريزمدى دامىتۋ ماسەلەسى وتە وزەكتى مانگە يە بولىپ وتىر. بۇل سالا وتاندىق دەنساۋلىق ساقتاۋ جۇيەسىنىڭ باسەكەگە قابىلەتتىلىگىن ارتتىرۋعا، حالىقارالىق ىنتىماقتاستىقتى كەڭەيتۋگە جانە ەلىمىزدىڭ الەمدىك مەديتسينالىق قىزمەتتەر نارىعىنداعى پوزيتسياسىن نىعايتۋعا ىقپال ەتەتىن بولاشاعى زور ستراتەگيالىق باعىتتاردىڭ بىرىنە اينالدى،-دەدى ۇكىمەت باسشىسى جاۋابىندا.

سونىمەن قاتار ول مەملەكەت باسشىسىنىڭ تاپسىرماسىن ورىنداۋ ماقساتىندا كەشەندى شارالار قابىلدانىپ جاتقانىن ايتادى.

- بۇگىنگى كۇنى شەتەلدىكتەر اراسىندا جوعارى سۇرانىسقا يە باعىتتاردىڭ تىزبەسى (كارديوحيرۋرگيا، ونكولوگيا، ترانسپلانتولوگيا، رەپرودۋكتيۆتى مەديتسينا، ورتوپەديا، وفتالمولوگيا، ستوماتولوگيا جانە مەديتسينالىق وڭالتۋ) ايقىندالدى. بۇل رەتتە ءبىرقاتار باعىت بويىنشا مامانداردىڭ بىلىكتىلىك دەڭگەيى جانە كلينيكالاردىڭ جاراقتاندىرىلۋى جەتەكشى شەتەلدىك ورتالىقتاردان ەش كەم ەمەس. ال قازاقستاندا ەمدەلۋ قۇنى ەۋروپا، سولتۇستىك امەريكا، وڭتۇستىك كورەيا جانە پارسى شىعاناعى ەلدەرىنە قاراعاندا ايتارلىقتاي تومەن،- دەدى پرەمەر-مينيستر.

ونىڭ ايتۋىنشا، قولدانىستاعى زاماناۋي جوعارى تەحنولوگيالىق كومەك كورسەتۋ جۇيەسىنىڭ بازاسىندا ەلىمىزدە ورتالىق ازيانىڭ ءبىرىڭعاي مەديتسينالىق حابى قالىپتاستىرىلىپ جاتىر.

— اتالعان حاب قازاقستاندى كورشىلەس مەملەكەتتەر ءۇشىن وزىق مەديتسينالىق قىزمەتتەر مەن يننوۆاتسيالاردىڭ وڭىرلىك ورتالىعى رەتىندە تانىتۋعا مۇمكىندىك بەرەدى. قازاقستان مەديتسينالىق تۋريزم سالاسىندا ايتارلىقتاي الەۋەتكە يە ءارى ورتالىق ازيا ەلدەرىنىڭ اراسىندا تەك ءبىزدىڭ ەلىمىز ءبىرقاتار زاماناۋي جانە بىرەگەي مەديتسينالىق قىزمەتتەردى (پروتوندىق تەراپيا، گامما- پىشاق، كۇردەلى كارديوحيرۋرگيالىق وپەراتسيالار جانە ت. ب. ) ۇسىناتىنىن اتاپ وتكەن ءجون،- دەدى ول.

پرەمەر-مينيستر جاۋابىنا قوسىمشا بەرىلگەن انىقتاماعا سايكەس، بۇگىندە ەلىمىزدىڭ 10 مەديتسينالىق ۇيىمى JCI حالىقارالىق اككرەديتاتسياسىنا يە. ونىڭ 7 ەۋى استانا قالاسىندا، 3 ەۋى الماتى قالاسىندا ورنالاسقان. 2025-جىلى ەلىمىزدە 4488 شەتەلدىك پاتسيەنتكە مەديتسينالىق قىزمەت كورسەتىلدى. ەڭ كوبى الماتى (2685 ادام)، استانا (1396 ادام) جانە شىمكەنت (300 ادام) قالالارىندا تىركەلگەن.

ايتا كەتەيىك، ەلىمىزدە دارىگەرلەر مەن ستۋدەنتتەردىڭ قاتىسۋىمەن مەديتسينالىق ۆولونتەرلىك دامىپ كەلەدى.