ميدىڭ جۇمىسىن جاقسارتاتىن تاعامدار اتالدى
استانا. KAZINFORM - پسيحياتر حاۆەر كينتەرو ميدىڭ جۇمىسىن جاقسارتۋعا كومەكتەسەتىن تاعامداردى اتادى. ماماننىڭ ايتۋىنشا، اعزانى قاجەت دارۋمەندەرمەن قامتاماسىز ەتۋ مي ساۋلىعى ءۇشىن ماڭىزدى، - دەپ حابارلايدى El Confidencial باسىلىمى.
دارىگەر ەڭ الدىمەن ميدىڭ دۇرىس جۇمىس ىستەۋى ءۇشىن ۆ9 دارۋمەنى قاجەت ەكەنىن ايتتى. بۇل دارۋمەن جاسىل جاپىراقتى كوكونىستەردە، جاسىمىقتا، قويان ءشوپ پەن اۆوكادودا مول كەزدەسەدى.
سونداي-اق، مي قىزمەتىن قالىپتى ۇستاۋدا ۆ6 دارۋمەنىنىڭ ماڭىزى زور. ونى كۇركەتاۋىق ەتىنەن، نوقاتتان، بانان مەن پىستەدەن الۋعا بولادى.
بۇدان بولەك، مامان اعزاداعى D دارۋمەنىنىڭ دەڭگەيىن باقىلاۋعا كەڭەس بەردى. ول ءۇشىن البىرت بالىق پەن سكۋمبريا سەكىلدى مايلى بالىق تۇرلەرىن جيى تۇتىنعان ءجون.
ال ۆ12 دارۋمەنىنىڭ ورنىن تولتىرۋ ءۇشىن ءسۇت ونىمدەرىن، تەڭىز ۇلۋلارىن جانە سيىر ەتىن جەۋ پايدالى.
پسيحياتر جۇمىرتقانى ميعا پايدالى تاعامداردىڭ ءبىرى رەتىندە ەرەكشە اتاپ ءوتتى. ونىڭ ايتۋىنشا، جۇمىرتقانىڭ قۇرامىندا اتالعان دارۋمەندەردىڭ بارلىعى بار.
