22:56, 06 - ناۋرىز 2025 | GMT +5
يپوتەكا بويىنشا شەكتى مولشەرلەمە تومەندەۋى مۇمكىن
استانا. KAZINFORM - قازاقستاندا يپوتەكا بويىنشا شەكتى مولشەرلەمەنى تومەندەتۋ جوسپارلانىپ وتىر.
جىلدىق ءتيىمدى سىياقى مولشەرلەمەسىنىڭ شەكتى مولشەرىن ايقىنداۋعا قاتىستى قاۋلى جوباسىن قارجى نارىعىن رەتتەۋ جانە دامىتۋ اگەنتتىگى جاريالادى.
«جوبادا يپوتەكالىق تۇرعىن ءۇي قارىزى بويىنشا جىلدىق ءتيىمدى سىياقى مولشەرلەمەسىنىڭ شەكتى مولشەرىن تومەندەتۋ كوزدەلىپ وتىر»، - دەپ جازىلعان حابارلامادا.
قۇجاتقا سايكەس يپوتەكالىق تۇرعىن ءۇي قارىزى بويىنشا جىلدىق ءتيىمدى سىياقى مولشەرلەمەسىنىڭ شەكتى مولشەرى 25 پايىزدان 20 پايىزعا دەيىن تومەندەيدى.
بۇل رەتتە بانك قارىزدارى بويىنشا شەكتى مولشەرلەمە سول كۇيىندە ساقتالادى: كەپىلسىز قارىزدار بويىنشا 46 پايىز، كەپىلمەن بەرىلگەن كرەديتتەر بويىنشا 35 پايىز.
