يوردانيا اۋە كەڭىستىگىن ۋاقىتشا جاۋىپ تاستادى
استانا. KAZINFORM - سەنبى كۇنى يوردانيانىڭ ازاماتتىق اۆياتسيا باسقارماسى ايماقتاعى شيەلەنىستىڭ كۇشەيۋىنە بايلانىستى بارلىق كەلەتىن، كەتەتىن جانە ترانزيتتىك ۇشاقتار ءۇشىن اۋە كەڭىستىگىن ۋاقىتشا جابۋ تۋرالى شەشىم قابىلداعانىن حابارلادى.
- بيلىك الداعى بىرنەشە ساعات ىشىندە جەرگىلىكتى ۋاقىت بويىنشا ساعات 23:00 دەن باستاپ كەلەتىن، ۇشاتىن جانە ترانسشەكارالىق ۇشاقتارعا يوردانيانىڭ اۋە كەڭىستىگىن ۋاقىتشا جابۋ تۋرالى شەشىم قابىلدادى. جاعداي وزگەرىستەرگە سايكەس ۇنەمى جاڭارتىلىپ، قارالاتىن بولادى، دەلىنگەن حابارلامادا.
مەملەكەتتىك رەتتەۋشى بۇل شەشىمنىڭ حالىقارالىق دەڭگەيدە ساقتالاتىن ازاماتتىق اۆياتسيا قاۋىپسىزدىگى ستاندارتتارىنا سايكەس تاۋەكەلدى باعالاۋدان كەيىن قابىلدانعانىن اتاپ ءوتتى. ايماقتاعى شيەلەنىستىڭ كۇشەيۋى جاعدايىندا يوردانيانىڭ اۋە كەڭىستىگىندە ازاماتتىق اۆياتسيانىڭ قاۋىپسىزدىگىن ساقتاۋ قاجەت.
سونىڭ سالدارىنان حالىقارالىق اۋەجايدان ۇشاتىن 40 تان استام رەيس توقتاتىلدى جانە كەيىنگە قالدىرىلدى، دەپ حابارلادى يوردانيالىق ءال-ماملياكا تەلەارناسى.
كەيبىر ب ا ق يوردانيادا توتەنشە جاعداي ەنگىزىلگەنىن حابارلادى. كەيىنىرەك ۇكىمەتتىك بايلانىس ءمينيسترى مەن يوردانيا ۇكىمەتىنىڭ وكىلى مۋحانناد ءال-مۋبايدين بۇل اقپاراتتى جوققا شىعاردى.
