مەديتسينا سالاسىندا شاعىم 44 پايىز كوبەيدى: ماسەلەنى ناۋقاس شاعىمدانباي تۇرىپ انىقتاۋعا بولا ما
استانا. KAZINFORM - مەديتسينالىق ۇيىمداردىڭ جۇمىسىندا پاتسيەنتتەردىڭ شاعىمدارىنا دەر كەزىندە جاۋاپ بەرۋ - باستى مىندەتتەردىڭ ءبىرى. الايدا، تۇسىنىسپەۋشىلىكتەر مەن ماسەلەلەردى رەسمي شاعىمعا ۇلاسپاي تۇرىپ، ەرتە كەزەڭدە انىقتاۋ مۇمكىن بە؟
بيىلعى ءبىرىنشى جارتىجىلدىقتا ق ر د س م مەديتسينالىق جانە فارماتسيەۆتيكالىق باقىلاۋ كوميتەتىنە 14 364 ءوتىنىش تۇسكەن، بۇل - وتكەن جىلمەن سالىستىرعاندا 44 پايىزعا ارتىق. وتىنىشتەردىڭ باسىم بولىگى مەديتسينالىق كومەكتىڭ ساپاسى مەن ۇيىمداستىرىلۋىنا، سونداي-اق باسقا مەملەكەتتىك ورگانداردىڭ قۇزىرەتىنە قاتىستى بولدى. ءوسىم دەڭگەيى بويىنشا وزگە ماسەلەلەر (98 پايىز) مەن باسقا ورگانداردىڭ قۇزىرەتىندەگى سۇراقتار (61 پايىز) كوش باستاعان.
مۇنداي ماسەلەلەردى ەرتە كەزەڭدە انىقتاۋدىڭ ءبىر جولى - پاتسيەنتتەردىڭ العاشقى وتىنىشتەرىن جۇيەلى تۇردە تالداۋ. بۇل مەديتسينالىق ۇيىمدارعا شاعىمداردىڭ سەبەپتەرىن انىقتاپ، ولاردىڭ قايتالانۋىنا جول بەرمەۋ ءۇشىن دەر كەزىندە شارا قابىلداۋعا مۇمكىندىك بەرەدى.
وسى باعىتتا قازاقستاندىق «سينتەگرا» IT- كومپانياسى 10 جىلدان استام ۋاقىت بويى مەديتسينالىق ۇيىمدارعا ارنالعان CallBox جۇيەسىن دامىتىپ كەلەدى.
بۇل - جاي عانا قوڭىراۋ قابىلداۋ قۇرالى ەمەس، جاساندى ينتەللەكت مۇمكىندىكتەرىن پايدالاناتىن وتىنىشتەردى باسقارۋ جۇيەسى. ونىڭ نەگىزگى فۋنكتسيالارى:
* قوڭىراۋلاردى ماتىنگە اينالدىرۋ: سويلەسۋلەردى اۆتوماتتى تۇردە جازباشا فورماتقا كوشىرەدى.
* مازمۇنىن تالداۋ: پاتسيەنتتەردىڭ وتىنىشتەرىن تالداپ، ولاردىڭ ءمانىن انىقتايدى.
* تاقىرىپتار بويىنشا جىكتەۋ: وتىنىشتەردى ماسەلەنىڭ سيپاتىنا قاراي توپتاستىرادى.
* ورىندالۋىن باقىلاۋ: ءاربىر ءوتىنىشتىڭ قارالۋ بارىسىن قاداعالاۋعا مۇمكىندىك بەرەدى.
سونىمەن قاتار، CallBox جينالعان دەرەكتەر نەگىزىندە ماسەلەلەردىڭ تۋىنداۋ سەبەپتەرىن تالداپ، ولاردىڭ ءوسۋ نەمەسە ازايۋ ءۇردىسىن انىقتايدى. جاساندى ينتەللەكت جاعداي وزگەرىسسىز قالعان جاعدايدا قانداي سالدار تۋىنداۋى مۇمكىن ەكەنىن بولجاپ، تەرىس ءۇردىستى وزگەرتۋ ءۇشىن ناقتى قانداي شارالار قابىلداۋ قاجەتتىگى جونىندە ۇسىنىستار بەرەدى.
وسىلايشا، مەديتسينالىق ۇيىم باسشىلىعى جۇيەدەن پاتسيەنتتەردى ءجيى مازالايتىن ماسەلەلەر تۋرالى اقپاراتتى عانا ەمەس، ولاردىڭ سەبەپتەرى، ىقتيمال سالدارى جانە جاعدايدى جاقسارتۋ جولدارى كورسەتىلگەن دايىن تالداۋ مەن ۇسىنىستاردى دا الادى.
بۇگىندە قازاقستان بويىنشا 200 دەن استام مەديتسينالىق ۇيىم CallBox جۇيەسىن قولدانادى. وسى جىلدار ىشىندە پاتسيەنتتەردى قولداۋ قىزمەتتەرى جۇيە ارقىلى 600 مىڭنان استام ءوتىنىشتى وڭدەگەن.
