مەديتسينا قىزمەتكەرلەرىنىڭ كاسىبي مارتەبەسى تۋرالى زاڭ جوباسىن ازىرلەۋ جۇمىسى باستالدى

وتىرىستا زاڭ جوباسىن ازىرلەۋ جۇمىسىنىڭ نەگىزگى باعىتتارى ايقىندالىپ، مەديتسينا قىزمەتكەرلەرىنىڭ ەڭبەكاقىسىنا قاتىستى ماسەلەگە ەرەكشە نازار اۋدارىلدى.

زاڭ جوباسىنىڭ باستى ماقساتى - حالىقتىڭ دەنساۋلىعىن ساقتاۋ جانە نىعايتۋ، مەديتسينالىق كومەكتىڭ ساپاسىن ارتتىرۋ مەن ازاماتتاردىڭ ءومىر ءسۇرۋ ساپاسىن جاقسارتۋ.

وسى ماقساتتارعا قول جەتكىزۋ ءۇشىن مەديتسينا قىزمەتكەرلەرىنىڭ كاسىبي مارتەبەسىن نىعايتۋ، ولاردىڭ قۇقىقتىق جانە الەۋمەتتىك قورعالۋىن قامتاماسىز ەتۋ، سونداي-اق پاتسيەنتتەردىڭ مۇددەسى ءۇشىن كاسىبي قىزمەت اتقارۋعا لايىقتى جاعداي جاساۋ كوزدەلىپ وتىر.

وتىرىسقا باس پروكۋروردىڭ ءبىرىنشى ورىنباسارى جاندوس ومىراليەۆ، دەنساۋلىق ساقتاۋ ءبىرىنشى ۆيتسە-ءمينيسترى تيمۋر سۇلتانعازيەۆ، ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى ەربول تۇياقبايەۆ، قورعانىس ءمينيسترىنىڭ ورىنباسارى اسقار مۇستابەكوۆ، ىشكى ىستەر ءمينيسترىنىڭ ورىنباسارى اباي قايىربەكوۆ، توتەنشە جاعدايلار ۆيتسە-ءمينيسترى كەگەن تۇرسىنبايەۆ، ۇلتتىق ەكونوميكا ۆيتسە-ءمينيسترى باۋىرجان وماربەكوۆ، ادىلەت ۆيتسە-ءمينيسترى ايدار جارىلعانوۆ، قارجى ۆيتسە-ءمينيسترى داۋرەن تەمىربەكوۆ، جاساندى ينتەللەكت جانە سيفرلىق دامۋ ۆيتسە-ءمينيسترى باحتيار مۇحامەتقاليەۆ، سوت اكىمشىلىگى باسشىسىنىڭ ورىنباسارى اسىلبەك مۋسرالينوۆ، سونداي-اق مەديتسينالىق ۇيىمدار مەن ساراپشىلار قاۋىمداستىعىنىڭ وكىلدەرى قاتىستى.

جۇمىس توبىنىڭ وتىرىسىنا قاتىسقان مەملەكەتتىك ورگانداردىڭ وكىلدەرى جاڭا زاڭ جوباسىنىڭ تۇجىرىمداماسىنا وڭ قورىتىندى بەردى.

كەلەسى وتىرىستى كەلىپ تۇسكەن ۇسىنىستار پىسىقتالعاننان كەيىن وتكىزۋ جوسپارلانىپ وتىر.