ۆيتسە-پرەزيدەنت ەۋروپالىق وداقتىڭ ورتالىق ازياداعى ارناۋلى وكىلىمەن كەزدەستى
استانا. KAZINFORM - ۆيتسە-پرەزيدەنت ەرلان قارين ەۋروپالىق وداقتىڭ ورتالىق ازياداعى ارناۋلى وكىلى ەدۋاردس ستيپرايسپەن كەزدەسۋ وتكىزدى، دەپ حابارلايدى اقوردانىڭ باسپا ءسوز قىزمەتى.
- كەزدەسۋ بارىسىندا مەملەكەت باسشىسىنىڭ باستاماسىمەن جۇزەگە اسىرىلعان كونستيتۋتسيالىق رەفورمانىڭ قورىتىندىلارىنا ايرىقشا نازار اۋدارىلدى. ەرلان قارين جاڭا كونستيتۋتسيانىڭ قابىلدانۋى ەلدى جۇيەلى جاڭعىرتۋدىڭ جالعاسى ءارى ساياسي جۇيەنى جاڭارتۋدىڭ نەگىزى ەكەنىن اتاپ ءوتتى، - دەلىنگەن حابارلامادا.
ۆيتسە-پرەزيدەنت كونستيتۋتسيالىق قۇندىلىقتار پرەزيدەنت قاسىم-جومارت توقايەۆ رەفورمالارىنىڭ ستراتەگيالىق باعدارىنىڭ نەگىزىن قۇرايتىنىن جەتكىزدى.
بۇعان دەيىن ەرلان قارين پرەزيدەنتكە ىشكى ساياساتتىڭ نەگىزگى باعىتتارى بويىنشا ەسەپ بەردى.
