ۆيتسە-پرەمەر: بانكتەردىڭ سالىق جۇكتەمەسىمەن بىرگە يپوتەكا پايىزى دا وسەدى

استانا. KAZINFORM - سالىق كودەكسىنىڭ جاڭا رەداكسياسىنداعى بانكتەرگە ۇسىنىلعان قوسىمشا سالىق جۇكتەمەلەرى يپوتەكا پايىزىن وسىرەدى. ءماجىلىستىڭ جالپى وتىرىسىنان كەيىن پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين وسىلاي دەپ ءمالىم ەتتى.

- كوتەرىلەدى. ماسەلە باسقادا. ءسىز ونداي شارتپەن يپوتەكا الاسىز با؟ وسى كەزدە بانكتەر، ارينە، ديلەمماعا تاپ بولادى. سالىقتىڭ قوسىمشا %5 جۇكتەمەسىن باسپانانىڭ وزىندىك قۇنى رەتىندە ءوز موينىنا الا ما، الدە پاتەر باعاسى رەتىندە تۇتىنۋشىنىڭ موينىنا ارتا ما؟ يپوتەكا نارىعى سەرپىمدى. ياعني، بىزدە جەتكىلىكتى جاقسى بالاما بار. بۇل - «وتباسى بانك» پەن مەملەكەتتىك يپوتەكالىق باعدارلاما، - دەدى ول جۋرناليست سۇراعىنا بەرگەن جاۋاپتا.

ايتا كەتەيىك، بۇگىن ءماجىلىس سالىق كودەكسىنىڭ جاڭا جوباسىن ءبىرىنشى وقىلىمدا ماقۇلدادى.