ۆيتسە-مينيستر «قالاۋلىم» تەكتەس باعدارلامالاردىڭ رەيتينگى تۋرالى: ۇناماسا، كورمەڭىزدەر
استانا. KAZINFORM - مادەنيەت جانە اقپارات ۆيتسە-ءمينيسترى قانات ىسقاقوۆ سەنات وتىرىسىنان كەيىنگى بريفينگىدە «قالاۋلىم» تەكتەس باعدارلامالاردى شەكتەۋ ماسەلەسىنە پىكىر ءبىلدىردى.

«قاراپايىم ازامات رەتىندە قارسىمىن. مەن قارسىمىن، سوندىقتان دا كورمەيمىن. ۇنامايتىندارعا دا جاي عانا كورمەي قويۋعا كەڭەس بەرەمىن. سىزدەر كورمەسەڭىزدەر، ول باعدارلامالاردىڭ رەيتينگى دە بولمايدى. سايكەسىنشە تانىمال دا بولمايدى. ارينە، سەنزۋرا جاساۋعا بولادى. ءبىراق كونستيتۋتسيانى، زاڭدى بۇزىپ جەتىستىككە جەتۋگە بولمايدى»، - دەدى قانات ىسققاقوۆ.
ونىڭ ايتۋىنشا، اتالعان باعدارلامالاردىڭ رەيتينگى كورەرمەننىڭ ارقاسىندا اسقاقتاپ تۇر.
«سايكەسىنشە ول كومپانيالاردىڭ تابىسىن وزدەرىڭىز ارتتىرىپ جاتىرسىزدار. ءيا، ءبىز بۇكىل كونتەنتكە مونيتورينگ جۇرگىزەمىز. ەگەر ءسىز ايتقان باعدارلامالاردا ادەپ پەن مورال تالاپتارىن بۇزاتىن جانجالدار كورسەتىلسە، ءبىز كەلەشەكتە ونداي جاساماۋى كەرەكتىگى تۋرالى ۇسىنىس كەڭەس جىبەرەمىز. ونى كەڭەستى قابىلداۋ، قابىلداماۋ ءار رەداكسيانىڭ ار-ۇياتىنا بايلانىستى»، - دەدى ۆيتسە-مينيستر.
اۆتور
ەسىمجان ناقتىباي