يتالياداعى مەكتەپ وقۋشىلارىنىڭ جاساندى ينتەللەكت كومەكشىلەرى بولادى
استانا. KAZINFORM - يتاليانىڭ 15 مەكتەبىندە وقۋ ۇلگەرىمى مەن ءبىلىم ساپاسىن ارتتىرۋ ماقساتىندا ءبىلىم پروتسەسىنە جاساندى ينتەللەكت تەحنولوگيالارىن ەنگىزۋ بويىنشا پيلوتتىق جوبا باستالىپ جاتىر، دەپ حابارلايدى euronews.
يتاليانىڭ مەكتەپ وقۋشىلارىندا ج ي- نىڭ نەگىزىندەگى ۆيرتۋالدى كومەكشىلەرى پايدا بولادى. ەلدىڭ ءتورت ايماعىنداعى 15 مەكتەپتە جاساندى ينتەللەكت تەحنولوگيالارىن وقۋ ۇدەرىسىندە قولدانۋ بويىنشا پيلوتتىق جوبا ىسكە قوسىلدى.
باستى ماقسات - وقىتۋ ساپاسىن جانە اكادەميالىق ۇلگەرىمدى جاقسارتۋ، يتاليانىڭ باسقا ە و ەلدەرىمەن سالىستىرعاندا سيفرلىق تەڭسىزدىگىن ازايتۋ.
ەكسپەريمەنت ءساتتى وتسە، ج ي تەحنولوگيالارى بۇكىل ەل بويىنشا مەكتەپتەگى ءبىلىم بەرۋ جۇيەسىنە ەنگىزىلەدى.
پلانشەتتەر مەن كومپيۋتەرلەردەگى ج ي كومەكشىلەرى بالالارعا ساباق كەزىندە، ءۇي تاپسىرماسىن ورىنداۋدا كومەكتەسەدى.
باستاماشىلار وقىتۋدى ءار بالانىڭ ەرەكشەلىكتەرىن ەسكەرە وتىرىپ جەكەلەي ەتۋگە نيەتتەنىپ وتىر.
باعدارلاما الداعى ەكى جىلدا سىناقتان وتكىزىلەدى، كەيىننەن ول ۇزارتىلىپ، كەڭەيتىلۋى مۇمكىن.
