يتاليا پرەمەر-ءمينيسترى ۇلتتىق دەنساۋلىق ساقتاۋ سالاسىنا كوپ قارجى بولىنەتىنىن مالىمدەدى
استانا. KAZINFORM - يتاليا پرەمەر-ءمينيسترى دجوردجا مەلوني سارسەنبى كۇنى بريۋسسەلدە وتكەن ە و- پ ش ا م ى ك سامميتىنەن كەيىن يتاليالىق تىلشىلەرگە سۇحبات بەردى. ول ەلدە دەنساۋلىق ساقتاۋ سالاسىن دامىتۋعا بولىنەتىن قارجى ايتارلىقتاي وسەتىنىن بايانداپ بەردى.
«دەنساۋلىق ساقتاۋ سالاسى ءۇشىن بۇرىن-سوڭدى مۇنداي كوپ رەسۋرس بولعان ەمەس»، - دەدى دج. مەلوني.
ونىڭ ايتۋىنشا، يتاليانىڭ دەنساۋلىق ساقتاۋ قورى 2025 -جىلى 136,5 ميلليارد ەۋرونى، 2026 -جىلى 140 ميلليارد ەۋرونى قۇرايدى.
«ءبىز وڭىرلەرمەن بۇل رەسۋرستاردى شوعىرلاندىرۋ قاجەت باسىمدىقتاردىڭ قانداي بولۋى كەرەكتىگىن تالقىلاۋعا نيەتتىمىز. جىل سايىن دەنساۋلىق ساقتاۋ قورىن ۇلعايتۋ بويىنشا جۇمىس جاسايمىز، Covid-19 پاندەمياسى كەزىندە دەنساۋلىق ساقتاۋ قورىندا 122 ميلليارد ەۋرو بولدى، ال بۇگىندە قوردا 136,5 ميلليارد ەۋرو بار. مەديتسينا قاۋىمداستىڭىنىڭ ۇلەسىنىڭ ارقاسىندا ءبىز قاي جەردە بىرلەسىپ جۇمىس ىستەۋ كەرەكتىگىن انىقتاۋعا تىرىسامىز، ويتكەنى بۇل رەسۋرستاردى جاقسىراق جۇمساۋعا بولادى جانە بۇل تۇرعىدا كوپ جۇمىس ىستەۋ كەرەك ەكەنى ءسوزسىز»، - دەپ قوستى ول.
اۆتور
زارينا تۋعانبايەۆا
