ءيت، قارۋ-جاراق، جىلجىمايتىن مۇلىك - بىلتىر مەملەكەتكە جاسالعان سىيلىقتار

подарки
Фото: Pexels

  استانا. KAZINFORM - قارجى مينيسترلىگى وتكەن جىلى رەسپۋبليكا مەنشىگىنە بەرىلگەن سىي-سياپاتتى اتادى.

ۆەدومستۆو مەملەكەتكە بەرىلگەن سىيلىقتىڭ مۇلىككە قۇقىق الۋ قاعيداسىنا سايكەس (ق ر ۇكىمەتىنىڭ 2011 -جىلعى 28-قىركۇيەكتەگى 1103 قاۋلىسى) رەسپۋبليكالىق نەمەسە كوممۋنالدىق مەنشىككە بەرىلەتىنىن ايتتى.

«2023 -جىلى جەكە جانە مەملەكەتتىك ەمەس زاڭدى تۇلعالاردان سىيعا رەسپۋبليكالىق مەنشىككە جىلجىمايتىن مۇلىك وبەكتىلەرى، كولىك قۇرالدارى، اقپاراتتىق جۇيەلەر، جانۋارلار (يتتەر)، قارۋ-جاراق، كومپيۋتەرلىك تەحنيكا، جيھاز، اكتسيا جانە جاۋاپكەرشىلىگى شەكتەۋلى سەرىكتەستىكتىڭ جارعىلىق كاپيتالىنداعى قاتىسۋ ۇلەسى بەرىلدى»، - دەگەن جاۋاپ كەلدى مينيسترلىكتەن رەداكتسيانىڭ رەسمي ساۋالىنا.

سونداي-اق، اقپاراتتا مەملەكەتتىك ەمەس زاڭدى جانە جەكە تۇلعالارمەن سىيعا تارتۋ شارتىن ۋاكىلەتتى ورگان جاساپ، قابىلدايتىنى ايتىلعان.

ال مەملەكەتكە بەرىلگەن اكتسيونەرلىك قوعام اكسيالارى جانە جاۋاپكەرشىلىگى شەكتەۋلى سەرىكتەستىك جارعىلىق كاپيتالىنا قاتىسۋ ۇلەسىن ساتىپ الۋ تۋرالى شەشىمدى ۇكىمەت قابىلدايدى.

ەگەر مۇلىك كوممۋنالدىق مەنشىككە بەرىلسە، سىيعا تارتۋ شارتىن جاساسۋ جونىندەگى شەشىمدى جەرگىلىكتى اتقارۋشى ورگاندار قابىلدايدى.

ەسكە سالساق، وتكەن اپتادا قارجى ۆيتسە-ءمينيسترى ەرجان ءبىرجانوۆ مەملەكەتكە سىيعا تارتىلعان Bentley Bentayga كولىگى تۋرالى ايتىپ بەرگەن ەدى.

سوڭعى جاڭالىقتار