ەگيپەت پەن ا ق ش گازا سەكتورىنا گۋمانيتارلىق كومەك جەتكىزۋگە كەلىستى

Египет пен АҚШ Газа секторына гуманитарлық көмек жеткізуге келісті
Фото: Фото: pixabay.com.

 ەگيپەت پرەزيدەنتى ابدەل فاتتاح اس-سيسي گازا سەكتورىنا گۋمانيتارلىق كومەك تيەلگەن 20 جۇك كولىگىن وتكىزۋ ءۇشىن رافاح باقىلاۋ-وتكىزۋ پۋنكتىن اشۋعا كەلىستى. Kazinform بۇل تۋرالى BBC باسىلىمىنا سىلتەمە جاساپ حابارلايدى. 

ا ق ش پرەزيدەنتى دجو بايدەن جۋرناليستەرگە جول جوندەلىپ جاتقاندىقتان كومەك جۇمادان كەيىن جەتەتىنىن ءمالىم ەتتى.

«ولار جول جوندەيىن دەپ جاتىر. جۇك كولىكتەرى وتە الۋ ءۇشىن شۇڭقىر جەرلەردى تەگىستەۋ كەرەك»، - دەدى ول سارسەنبى كۇنى جۋرناليستەرگە.

بايدەن 20 جۇك كولىگى العاشقى بولىك ەكەنىن اتاپ ءوتتى. جالپى گۋمانيتارلىق كومەك رەتىندە 150 كولىك جىبەرۋ جوسپارلانعان.

ا ق ش پەن ەگيپەت اراسىنداعى كەلىسىم پرەزيدەنت بايدەننىڭ يزرايلگە ساپارى كەزىندە ورناتىلدى.

يزرايل گازا سەكتورىندا اۋرۋحانانىڭ جارىلۋىنا قاتىسى جوق ەكەنىن ايتتى. جەرگىلىكتى شەنەۋنىكتەردىڭ حابارلاۋىنشا، پالەستينالىق بەيبىت تۇرعىندار پانالاپ وتىرعان اۋرۋحانادا بولعان جارىلىستان 471 ادام قازا تاپقان.

يزرايل جارىستى ۇيىمداستىرعان حاماس دەپ مالىمدەپ، جارىلىسقا پالەستينالىق زىمىران سەبەپ بولعانىن ايتتى.

7-قازاندا حاماس-تىڭ يزرايلگە شابۋىلىنان باستالعان سوعىس قيمىلدارى سالدارىنان 1400 گە جۋىق يزرايل ازاماتى مەن 3500 گە جۋىق پالەستينالىق قازا تاپتى.

سوڭعى جاڭالىقتار