ەگيپەت ا ق ش ازاماتتىعى بار پالەستينالىقتارعا ءدالىز اشتى

 كاير مەن ۆاشينگتون اراسىنداعى كەلىسىمنىڭ ناتيجەسىندە گازا سەكتورى مەن مىسىر اراسىنداعى رافاح باقىلاۋ- وتكىزۋ پۋنكتى سەنبى كۇنى ا ق ش ازاماتتارى مەن ا ق ش ازاماتتىعى بار پالەستينالىقتار ءۇشىن جەرگىلىكتى ۋاقىت بويىنشا ساعات 17:00 گە دەيىن اشىق بولادى، دەپ حابارلايدى Kazinform اگەنتتىگى BBC جاڭالىقتارىنا سىلتەمە جاساپ.

گازا سەكتورىندا يزرايل قورعانىس كۇشتەرىنىڭ قۇرلىقتاعى وپەراتسياسىنا بايلانىستى سەكتوردىڭ سولتۇستىك اۋداندارىنان وڭتۇستىگىنە قاراي تۇرعىنداردى شۇعىل ەۆاكۋاتسيالاۋ ءجۇرىپ جاتىر.

Washington Post باسىلىمىنىڭ حابارلاۋىنشا، گازا سەكتورىندا امەريكالىق تولقۇجاتپەن 600 گە جۋىق پالەستينالىق تۇرادى. ولاردىڭ بارلىعى، ا ق ش بيلىگىمەن بايلانىستا.

مىسىرعا باراتىن ءدالىز تۋرالى كەلىسىمگە يزرايل مەن كاتار باقىلاۋشىلارىنىڭ قاتىسۋىمەن كاير مەن ۆاشينگتون وكىلدەرىنىڭ تىكەلەي كەلىسسوزدەرى كەزىندە قول جەتكىزىلگەنى حابارلاندى.

ءدالىز مىسىر ۋاقىتى بويىنشا تۇسكى ساعات 12 دە اشىلدى جانە بەس ساعات بويى اشىق بولادى.