21:30, 02 - ءساۋىر 2024 | GMT +5
ىستانبۇلدا ورتتەن 29 ادام قازا تاپتى
استانا. KAZINFORM - ىستانبۇلداعى ويىن-ساۋىق ورتالىقتارىنىڭ بىرىندە بولعان ورتتەن قازا تاپقاندار سانى 29 ادامعا جەتتى، دەپ حابارلايدى انادولى اقپارات اگەنتتىگى.
سونداي-اق ءبىر ادام زارداپ شەكتى.
جەرگىلىكتى بيلىكتىڭ مالىمەتىنشە، ءورت جوندەۋ جۇمىستارى كەزىندە شىققان.
مەكەمە بەشىكتاس اۋدانىنداعى 16 قاباتتى عيماراتتىڭ استىندا ورنالاسقان.
ءتىلسىز جاۋمەن كۇرەسكە 31 ءورت ءسوندىرۋ كولىگى مەن 86 ءورت ءسوندىرۋشى تارتىلدى. جالىن ءسوندىرىلدى.
اتالعان فاكتى بويىنشا تەرگەۋ امالدارى باستالدى.
