ىستانبۇلدا تۇركيا-ا ق ش-ۋكراينا ءۇشجاقتى كەزدەسۋى ءوتتى
استانا. KAZINFORM - كەلىسسوز تۇركيا سىرتقى ىستەر ءمينيسترى حاكان فيداننىڭ توراعالىعىمەن باستالدى، دەپ حابارلايدى انادولى.
ىستانبۇلداعى دولماباحچە پرەزيدەنتتىك كەڭسەسىندە تۇركيا، ا ق ش جانە ۋكراينا دەلەگاتسيالارىنىڭ ءۇشجاقتى كەزدەسۋى ءوتتى.
ا ق ش دەلەگاتسياسىن مەملەكەتتىك حاتشى ماركو رۋبيو باستادى. امەريكالىق دەلەگاتسيا قۇرامىندا سونداي-اق ا ق ش- تىڭ انكاراداعى ەلشىسى توم باراك پەن پرەزيدەنت دونالد ترامپتىڭ ۋكراينا بويىنشا ارنايى وكىلى كيت كەللوگ بار.
ۋكراينا دەلەگاتسياسىنىڭ قۇرامىندا ۋكراينا پرەزيدەنتى كەڭسەسىنىڭ باسشىسى اندرەي ەرماك، قورعانىس ءمينيسترى رۇستەم ۋمەروۆ جانە سىرتقى ىستەر ءمينيسترى اندرەي سيبيگا بار.
ۋكرايناداعى قاقتىعىستى رەتتەۋگە كۇش سالۋ
2022-جىلى رەسەي مەن ۋكراينا اراسىنداعى قاقتىعىس باستالعاننان بەرى تاراپتار ونى شەشۋگە بىرنەشە رەت تالپىنىس جاسادى.
كەلىسسوزدىڭ العاشقى ءۇش راۋندى بەلارۋستە – 28-اقپاندا گومەلدە، ال 3 جانە 7-ناۋرىزدا برەستتە ءوتتى، الايدا تاراپتار نەگىزگى ماسەلەلەر بويىنشا كەلىسىم جاساي المادى.
2022-جىلدىڭ 10-ناۋرىزىندا انتالياداعى ديپلوماتيالىق فورۋم الاڭىندا رەسەي جانە ۋكراينا سىرتقى ىستەر مينيسترلىكتەرى باسشىلارىنىڭ كەزدەسۋى ءوتتى، ءبىراق ودان ەشقانداي ىلگەرىلەۋ بولعان جوق.
29-ناۋرىزدا ىستانبۇلداعى دولماباحچە سارايىندا وتكەن كەزدەسۋ ماڭىزدىراق بولدى، وندا ۋكرايندىق دەلەگاتسيا رەسەيلىك تاراپقا ىقتيمال كەلىسىم جوباسى مەن كەپىلگەر ەلدەردىڭ ءتىزىمىن ۇسىندى. الايدا 17-مامىردا ۋكراينا كەلىسسوزدى رەسمي تۇردە توقتاتتى، ال 4-قازاندا ۋكراينا پرەزيدەنتى ۆلاديمير زەلەنسكي ۇلتتىق قاۋىپسىزدىك جانە قورعانىس كەڭەسىنىڭ رەسەي پرەزيدەنتى ۆلاديمير پۋتينمەن ديالوگ جۇرگىزۋ مۇمكىن ەمەستىگى تۋرالى شەشىمىنە قول قويدى.
ديپلوماتيالىق تىعىرىققا قاراماستان، 2022-جىلى 22-شىلدەدە ىستامبۇلدا ب ۇ ۇ مەن تۇركيانىڭ دەلدالدىعىمەن قارا تەڭىز استىق باستاماسى بويىنشا كەلىسىمگە قول جەتكىزىلدى.
18-ناۋرىزدا ا ق ش پرەزيدەنتى دونالد ترامپ پەن ر ف پرەزيدەنتى پۋتيننىڭ تەلەفون ارقىلى سويلەسۋىنەن كەيىن رەسەيلىك تاراپ ەنەرگەتيكالىق ينفراقۇرىلىمعا شابۋىلداردان ءوزارا باس تارتۋ يدەياسىن قولدادى، كەلەسى كۇنى پرەزيدەنت زەلەنسكي وسىعان ۇقساس شارالارعا كەلىسىمىن بەردى.
2025-جىلدىڭ 11-مامىرىنا قاراعان ءتۇنى پرەزيدەنت پۋتين ىستانبۇلدا ۋكراينامەن الدىن الا شارتسىز تىكەلەي كەلىسسوز جۇرگىزۋدى ۇسىنعان مالىمدەمە جاسادى.
تۇركيا پرەزيدەنتى رەجەپ تايپ ەردوعان كەزدەسۋدى ۇيىمداستىرۋعا دايىن ەكەنىن ءبىلدىردى.
ترامپ رەسەيلىك ارىپتەسىنىڭ ۋكراينامەن تىكەلەي كەلىسسوزدى قايتا باستاۋ تۋرالى ۇسىنىسىن قولدادى، ال زەلەنسكي 15-مامىردا ىستانبۇلدا وتەتىن كەلىسسوزگە قاتىساتىنىن راستادى.
ىستانبۇل بەيبىت كەلىسسوزىنىڭ ءبىرىنشى كۇنى، ياعني 15-مامىردا رەسەي فەدەراتسياسى مەن ۋكراينا دەلەگاتسيالارىنىڭ تىكەلەي كەزدەسۋى وتكەن جوق.
رەسەي دەلەگاتسياسىنىڭ باسشىسى ۆلاديمير مەدينسكي ىستانبۇلداعى رەسەي باس كونسۋلدىعى عيماراتىنىڭ الدىندا تىلشىلەرگە بەرگەن سۇحباتىندا كيەۆپەن تىكەلەي بايلانىستىڭ ماقساتى - قاقتىعىستىڭ تۇپكى سەبەپتەرىن جويۋ ارقىلى ۇزاق مەرزىمدى بەيبىتشىلىك ورناتۋ ەكەنىن مالىمدەدى. ونىڭ اتاپ وتۋىنشە، رەسەيلىك تاراپ ىستانبۇلداعى بەيبىت كەلىسسوزدەگى ىقتيمال ىمىراعا كەلۋدى تالقىلاۋعا دايىن جانە بۇل كەزدەسۋدى 2022-جىلى وتكەن بەيبىت كەلىسسوزدىڭ جالعاسى رەتىندە قاراستىرىپ وتىر.
ۋكراينا پرەزيدەنتى زەلەنسكي انكارادا وتكەن باسپا ءسوز ءماسليحاتىندا تۇركيا پرەزيدەنتى ەردوعانعا قۇرمەت رەتىندە قورعانىس ءمينيسترى رۇستەم ۋمەروۆ باستاعان ۋكراينا دەلەگاتسياسىن ىستانبۇلعا جىبەرگەنىن مالىمدەدى.
كەشكە تۇركيا س ءى م باسشىسى حاكان فيدان پرەزيدەنتتىڭ كومەكشىسى ۆلاديمير مەدينسكي باستاعان رەسەيلىك دەلەگاتسيامەن كەلىسسوز جۇرگىزدى.
16-مامىردا دولماباحچە سارايىندا ەكى ءۇشجاقتى كەزدەسۋ جوسپارلانعان: جەرگىلىكتى ۋاقىت بويىنشا ساعات 10:45 تە تۇركيا، ا ق ش جانە ۋكراينا اراسىنداعى كەلىسسوز، ال 12:30 دا - تۇركيا، رەسەي جانە ۋكراينانىڭ كەزدەسۋى وتەدى دەپ كۇتىلىپ وتىر.
