ىستامبۇلدا قولدان جاسالعان ىشىمدىكتىڭ كەسىرىنەن ءبىر كۇندە وزبەكستاننىڭ 5 ازاماتى كوز جۇمدى
استانا. KAZINFORM - وزبەكستاننىڭ ىستامبۇلداعى باس كونسۋلدىعى وقيعاعا قاتىستى اقپارات بەردى، دەپ حابارلايدى Kazinform اگەنتتىگى.

وزبەكستاننىڭ ىستامبۇلداعى باس كونسۋلدىعىنىڭ مالىمەتىنشە، 2025 -جىلدىڭ 14- قاڭتارىندا قولدان جاسالعان الكوگولدى ءىشىپ، ۋلانىپ قايتىس بولعان 5 وزبەكستاندىقتىڭ جاقىن تۋىستارى ىستامبۇلداعى باس كونسۋلدىققا جۇگىنگەن. بۇل كەلەڭسىز جاعدايلارعا ىستامبۇلدىڭ اقساراي اۋدانىندا ساتىپ الىنعان الكوگولدى ىشىمدىكتى پايدالانۋ سەبەپ بولعان.
قايتىس بولعان ازاماتتار نەگىزىنەن 35-40 جاس ارالىعىنداعى ەر ادامدار، بارلىعىنىڭ كامەلەتكە تولماعان بالالارى جەتىم قالعان.
- وسىعان بايلانىستى ىستامبۇلداعى باس كونسۋلدىك بارلىق ازاماتتاردى ىشىمدىك ىشۋدەن باس تارتىپ، اباي بولۋعا شاقىرادى. كەز كەلگەن دەنساۋلىققا قاۋىپ توندىرەتىن جاعداي تۋىنداعان كەزدە دەرەۋ جاقىن جەردەگى اۋرۋحاناعا بارىپ، باس كونسۋلدىققا حابارلاسۋ ۇسىنىلادى. توتەنشە جاعدايدا كەلەسى تەلەفون نومىرلەرىنە حابارلاسۋعا بولادى: باس كونسۋلدىق: 905535411717، - دەلىنگەن حابارلامادا.