ىستامبۇلدا 11 ادام الكوگولدەن ۋلانىپ، قايتىس بولدى: ەكى تۇركىمەنستان ازاماتى قاماۋعا الىندى

استانا. KAZINFORM - ىستامبۇلدا قولدان جاسالعان الكوگول ونىمدەرىن وندىرۋمەن جانە تاراتۋمەن اينالىسقان ەكى تۇركىمەنستان ازاماتى ۇستالدى، دەپ حابارلايدى Kazinform اگەنتتىگى وزبەكستاننىڭ ىستامبۇلداعى باس كونسۋلدىعىنا سىلتەمە جاساپ.

Ыстамбұлда 11 адам алкогольден уланып, қайтыс болды: Екі Түркіменстан азаматы қамауға алынды
Фото: Өзбекстанның Стамбұлдағы Бас консулдығы

الىنعان اقپاراتقا سايكەس، سوڭعى تاۋلىكتە ىستامبۇلدا بارلىعى 38 ادام قولدان جاسالعان الكوگولدى ءىشۋ سالدارىنان ۋلانعان. اۋرۋحاناعا تۇسكەندەردىڭ 11 ءى قايتىس بولدى.

پوليتسيا وقيعاعا قاتىستى جان-جاقتى تەرگەۋ جۇمىستارىن باستادى.

اۋرۋحاناعا كەلگەندەردىڭ 26 سى شەتەلدىكتەر ەكەنى بەلگىلى بولدى.

وسى وقيعاعا قاتىستى ەكى تۇركىمەنستان ازاماتى قاماۋعا الىنىپ، ولاردىڭ ۇستىنەن قىلمىستىق ءىس قوزعالدى.

بۇگىنگى تاڭدا جالعان الكوگولدىك سۋسىنداردان كوز جۇمعان وزبەكستان ازاماتتارىنىڭ سانى 6 عا جەتتى. ونىڭ 5 ەۋى ەر ادام، 1 ءى ايەل ادام.

ەستەرىڭىزگە سالا كەتەيىك، ىستامبۇلدا ءبىر كۇندە 5 وزبەكستان ازاماتى قولدان جاسالعانعان ىشىمدىكتىڭ كەسىرىنەن قازا تاپقانى تۋرالى حابارلاعان بولاتىنبىز.

سوڭعى جاڭالىقتار