ىستانبۇلداعى تابيعي اپاتتان كەيىن قىلمىستىق ءىس قوزعالدى
ستانا. KAZINFORM - تۇركيا پروكۋراتۋراسى ىستانبۇلداعى نوسەر جاڭبىر مەن سۋ تاسقىنىنان ادامداردىڭ قازا تابۋىنا بايلانىستى تەرگەۋ باستادى. سونداي-اق زاڭبۇزۋشىلىقتار مەن سالعىرتتىق فاكتىلەرى دە تەكسەرىلەدى، دەپ حابارلايدى Kazinform اگەنتتىگىنىڭ انكاراداعى مەنشىكتى ءتىلشىسى.
تۇركيانىڭ ادىلەت ءمينيسترى اكىن گۇرلەك ىستانبۇلدا نوسەر جاڭبىردان تۋىنداعان سۋ تاسقىنىنا بايلانىستى ادام ولىمىنە قاتىستى تەرگەۋ باستالعانىن مالىمدەدى.
ونىڭ ايتۋىنشا، تەرگەۋ وقيعانىڭ ءمان-جايىن تولىق انىقتاۋعا، جاۋاپسىزدىق پەن زاڭ بۇزۋشىلىق دەرەكتەرىنىڭ بار-جوعىن تەكسەرۋگە باعىتتالعان.
وسى وقيعاعا بايلانىستى فاتيح اۋدانىندا 14 جاستاعى ماحمۋت ىشىلداقتىڭ قازا تابۋى كوپشىلىكتىڭ نازارىن اۋداردى. الدىن الا مالىمەت بويىنشا، جاس ءوسپىرىم توققا ءتۇسىپ كوز جۇمعان.
قازىر وقيعا ورنىندا تەحنيكالىق تەكسەرۋ مەن ساراپتاما جۇرگىزىلىپ جاتىر. اكىن گۇرلەك وقيعانىڭ ءمان-جايى انىقتالعانشا تەرگەۋ جالعاساتىنىن ايتتى.
بۇعان دەيىن ىستانبۇلداعى سۋ تاسقىنىنان قازا تاپقاندار سانى ءتورت ادامعا جەتكەنىن حابارلاعان ەدىك.
