ىستامبۇل مەن كودجاەليدە سۋ تاسقىنىنان قازا تاپقاندار سانى توعىزعا جەتتى
استانا. KAZINFORM - ىستامبۇل مەن كودجاەليدە سۋ تاسقىنىنان توعىز ادام قازا تاۋىپ، ءىز-ءتۇزسىز جوعالعانداردى ىزدەۋ ءجۇرىپ جاتىر، دەپ حابارلايدى Kazinform اگەنتتىگىنىڭ انكاراداعى مەنشىكتى ءتىلشىسى.
تۇركيانىڭ ankaramasasi باسىلىمىنىڭ حابارلاۋىنشا، 14-قازاندا ىستامبۇل مەن كودجاەليدە بولعان سۋ تاسقىنىنان قازا تاپقاندار سانى تاعى ەكى ادامنىڭ سۇيەگى تابىلعاننان كەيىن توعىزعا جەتتى.
ىستامبۇلداعى التىن ءمۇيىز شىعاناعىنىڭ ايۆانساراي پاروم ايلاعى ماڭىنان حاشيم دجيريتليوگلۋدىڭ سۇيەگى تابىلدى. بۇعان دەيىن وسى شىعاناقتاعى «التىنبوينۋز» كەشەنىنىڭ جانىنان تۇرىكمەنستان ازاماتى مۋرات بابادجانوۆتىڭ سۇيەگى تابىلعان ەدى. ول ايازاگا جىلعاسى ارناسىنان اسقان كەزدە جوعالىپ كەتكەن بولۋى مۇمكىن.
سونداي-اق ىستانبۇلدىڭ پەنديك اۋدانىنان كودجاەلي پروۆينتسياسىنىڭ گەبزە اۋدانىندا سۋ تاسقىنى كەزىندە جوعالىپ كەتكەن دوگان ارسلاننىڭ سۇيەگى تابىلدى. بۇعان دەيىن فاتيح دەميرتاش پەن مۇستافا گەديكليدىڭ سۇيەگى تابىلعان ەدى.
سۋ اعىنى كولىگىن الىپ كەتكەن احمەت دەريندى ىزدەۋ ءالى دە جالعاسىپ جاتىر. قۇتقارۋشىلار ونىڭ قايدا ەكەنىن انىقتاۋ ءۇشىن ءتيىستى شارالاردى قولعا الدى.
ەسكە سالا كەتەيىك، ىستامبۇلداعى تابيعي اپاتتان كەيىن قىلمىستىق ءىس قوزعالعانىن حابارلاعان ەدىك.
