ينسۋلت قاۋپى قاي جاستان باستاپ ارتادى؟ دارىگەر ءتۇسىندىردى
استانا. قازاقپارات - ينسۋلتكە اكەلەتىن نەگىزگى قاۋىپ فاكتورلارى كوبىنە 60 جاستان اسقان ادامداردا بايقالادى. بۇل تۋرالى نەۆرولوگ ەلەنا وۆچيننيكوۆا مالىمدەدى، - دەپ حابارلايدى ريا نوۆوستي.
دارىگەردىڭ ايتۋىنشا، جاس ۇلعايعان سايىن ينسۋلت الۋ قاۋپى دە ارتا تۇسەدى. جاستار اراسىندا بۇل دەرت كوبىنە تۇقىم قۋالايتىن اۋرۋلارمەن بايلانىستى. ال قان قىسىمىنىڭ جوعارىلاۋى، اتەروسكلەروز جانە جۇرەك ىرعاعىنىڭ بۇزىلۋى سياقتى سەبەپتەر جاس ادامداردا سيرەك كەزدەسەدى.
نيەۆرولوگ كەيىنگى جىلدارى ينسۋلت جاستار اراسىندا دا جيىلەپ كەلە جاتقانىمەن، بۇل اۋرۋ ءالى دە ەگدە جاستاعى ادامداردا كوبىرەك كەزدەسەتىنىن اتاپ ءوتتى.
وۆچيننيكوۆانىڭ تۇسىندىرۋىنشە، مۇنىڭ باستى سەبەبى - جاس ۇلعايعان سايىن قانت ديابەتى، قان قىسىمىنىڭ جوعارىلاۋى جانە قانداعى حولەستەرين مولشەرىنىڭ كوبەيۋى سياقتى دەنساۋلىق ماسەلەلەرىنىڭ جيىلەۋى. ادەتتە ينسۋلتكە اكەلەتىن نەگىزگى ءقاۋىپ فاكتورلارى 60 جاستان كەيىن ايقىن بايقالا باستايدى.
ال 60 جاسقا تولماعان ادامداردى تەكسەرگەندە دارىگەرلەر قان تامىرلارى اۋرۋلارىنا، تۇقىم قۋالايتىن ەرەكشەلىكتەرگە جانە قان جۇيەسىندەگى بۇزىلىستارعا باسا نازار اۋدارادى.
