يسلام مەملەكەتى ۇيىمى يراكتا ءالى دە قاۋىپتى – ا ق ش ەلشىسى

посольство США в Ираке
Фото: посольство США в Ираке

استانا. KAZINFORM - «يسلام مەملەكەتى» ۇيىمى ءالى دە قاۋىپتى جانە ا ق ش باستاعان يراكپەن اسكەري كواليتسيانىڭ توپتى تولىعىمەن جەڭۋ جۇمىسى اياقتالعان جوق.

بۇل تۋرالى ا ق ش- تىڭ يراكتاعى ەلشىسى الينا رومانوۆسكي مالىمدەدى، دەپ حابارلادى Reuters.

يراكتىڭ جوعارى لاۋازىمدى ساياساتكەرلەرى، سونىڭ ىشىندە يراك پرەمەر- ءمينيسترى مۇحاممەد شيفا اس- سۋداني «يسلام مەملەكەتى» بۇدان بىلاي يراكقا قاۋىپ توندىرمەيدى جانە مەملەكەتتە حالىقارالىق كواليتسيانىڭ بولۋ سەبەپتەرى اياقتالدى، دەپ بىرنەشە رەت مالىمدەدى. وسى جىلدىڭ باسىندا م. اس- سۋداني باعداد شەتەل اسكەرىنىڭ ەلدە بولۋ ۋاقىتىن اياقتاۋ ءۇشىن ناقتى شارالار قابىلداۋعا نيەتتى ەكەنىن مالىمدەدى.

حالىقارالىق كواليتسيا - يراك پەن سيريادا 2014 -جىلدان بەرى «مىزعىماس شەشىم» اسكەري وپەراتسياسى اياسىندا جۇمىس ىستەپ كەلە جاتقان ا ق ش- تىڭ ي م- گە قارسى حالىقارالىق كواليتسياسى.

«ءبىز ەكەۋمىز دە دايش (يسلام مەملەكەتى) ءالى دە قاۋىپ توندىرەتىنىنە سەنىمدىمىز، قاۋىپ الدەقايدا ازايعانىمەن ءبىزدىڭ جۇمىسىمىز ءالى دە جالعاسىپ جاتىر جانە ءبىز يراك كۇشتەرىنىڭ دايش- ءتى تۇپكىلىكتى جەڭۋىن قامتاماسىز ەتۋدى قالايمىز»، - دەدى رومانوۆسكي باعدادتاعى ا ق ش ەلشىلىگىندە.

ا ق ش ەلشىسىنىڭ مالىمدەمەسى ي م- ءنىڭ اۋعاندىق بولىمشەسى جۇما كۇنى ماسكەۋ تۇبىندە 137 ادامنىڭ ءومىرىن قيعان شابۋىلدى ءوز موينىنا العان سوڭ جاسالدى.

ءبىر اپتا بۇرىن اۋعانستاندا «يگيل- K» جانكەشتىسىنىڭ جارىلىسىنان كەمىندە ءۇش ادام قازا تاپتى، ال قاڭتاردا بۇل ۇيىم يرانداعى جارىلىستى ءوز موينىنا الدى.

سوڭعى جاڭالىقتار