يراندا پرەزيدەنت سايلاۋىندا پەزەشكيان جەڭىسكە جەتتى

استانا. KAZINFORM - بۇرىنعى دەنساۋلىق ساقتاۋ ءمينيسترى رەفورماتور ماسۋد پەزەشكيان يران پرەزيدەنتىن سايلاۋدا جەڭىسكە جەتتى. بۇل تۋرالى يسلام رەسپۋبليكاسى سايلاۋ شتابىنىڭ رەسمي وكىلى موحسەن ەسلاميگە سىلتەمە جاساپ تاسس حابارلادى.

ول IRIB ەفيرىندە ايتقانداي، بۇكىل 30,530 ميلليون بيۋللەتەندى ەسەپتەۋ ناتيجەسى بويىنشا قازىرگى يران تاريحىندا توعىزىنشى سايلانعان پرەزيدەنت پەزەشكيان 16,384 ميلليون داۋىس جينادى.

بۇل - جالپى ساننىڭ كەم دەگەندە 53,6 پايىزى.

يران باسشىسىنىڭ رەسپۋبليكانىڭ ۇلتتىق قاۋىپسىزدىك جوعارى كەڭەسىندەگى وكىلى كونسەرۆاتور سايد دجاليلي 13,538 ميلليون داۋىس جينادى، سايكەسىنشە - %44,3.

رەسمي مالىمەتكە سايكەس، سايلاۋشىلاردىڭ 49,8 پايىزى داۋىس بەرگەن.

- داۋىس بەرۋدىڭ ەكىنشى تۋرىنا 30,530 ميلليون سايلاۋشى قاتىستى، ال يراندا 61 ميلليونعا جۋىق ادامنىڭ داۋىس بەرۋگە قاقىسى بار. پرەزيدەنت سايلاۋىنىڭ ءبىرىنشى كەزەڭىندە كەلۋشىلەر ۇلەسى شامامەن %40 قۇرادى، بۇل - يسلام رەسپۋبليكاسى تاريحىنداعى ەڭ تومەنگى كورسەتكىش، - دەدى ەسلامي.

5-شىلدەدە يراندا كەزەكتەن تىس پرەزيدەنت سايلاۋىنىڭ ەكىنشى تۋرى ءوتتى، ول ەلدىڭ اتقارۋشى بيلىگى باسشىسىنىڭ كەنەتتەن قايتىس بولۋىنا بايلانىستى بەلگىلەندى.

يسلام رەسپۋبليكاسىنىڭ پرەزيدەنتى ەبراحيم رايسي 19-مامىردا شىعىس ازەربايجان پروۆينسياسىندا تىكۇشاق اپاتىنان كوز جۇمعان ەدى.