يراندا ەل پرەزيدەنتتىگىنە التى كانديدات ماقۇلداندى

استانا. KAZINFORM - يراننىڭ ساقشىلار كەڭەسى ماۋسىم ايىنىڭ سوڭىندا وتەتىن كەزەكتەن تىس پرەزيدەنت سايلاۋىنا قاتىسۋعا التى ۇمىتكەردى ماقۇلدادى.

Iran announces list of approved candidates for June 28 elections
Photo credit: IRNA

كانديداتتار ءتىزىمىن مەملەكەتتىك تەلەارنادان سايلاۋالدى كامپانيا وكىلى موحسەن ەسلامي جاريالادى.

كەڭەس 20 كانديداتتىڭ ىشىنەن التاۋىن تاڭدادى:

— موحامماد بەيكەر گاليباف - يران پارلامەنتىنىڭ سپيكەرى جانە يسلام ريەۆوليۋتسياسى ساقشىلار كورپۋسى (ي ر س ك) اسكەري اۋە كۇشتەرىنىڭ بۇرىنعى قولباسشىسى. ول ءتورت جىل پارلامەنت سپيكەرى قىزمەتىن اتقاردى، 2005-2017 -جىلدارى تەگەران ءمەرى، وعان دەيىن پوليتسيا باسشىسى بولدى. گاليباف 2005، 2013 جانە 2017 -جىلدارى پرەزيدەنتتىك سايلاۋعا تۇسكەن. 2017 -جىلعى سايلاۋدا ول ءرايسيدىڭ پايداسىنا سايلاۋعا قاتىسۋدان باس تارتتى، ءبىراق سوڭعىسى حاسان روۋحانيدەن جەڭىلىپ قالدى.

— سايد دجاليلي - بۇرىن يادرولىق كەلىسسوزدەر بويىنشا باس كەلىسسوزشى بولعان جانە جوعارعى كوشباسشى اياتوللا ءالي حامەنەيدىڭ كەڭسەسىن ءتورت جىل باسقارعان كونسەرۆاتور. دجاليلي — ءالي حامەنەيدىڭ ەلدىڭ ۇلتتىق قاۋىپسىزدىك جوعارى كەڭەسىندەگى تىكەلەي وكىلى. ول 2021 -جىلعى سايلاۋدان ءرايسيدىڭ پايداسىنا شىعىپ، سوڭىندا جەڭىسكە جەتتى.

— تەگەراننىڭ كونسەرۆاتيۆتى ءمەرى اليرەزا زاكاني؛

— رەفورماشى دەپۋتات، يراننىڭ بۇرىنعى دەنساۋلىق ساقتاۋ جانە مەديتسينالىق ءبىلىم ءمينيسترى ماسۋد پەزەشكيان. 70 جاستاعى پەزەشكيان بەس مەرزىم قىزمەت اتقارعان تاجىريبەلى دەپۋتات، ول يراننىڭ ساياسي لاندشافتىنداعى قالىپتى جانە رەفورميستىك فراكتسيالاردى بىلدىرەتىن جالعىز كانديدات؛

— موستافا پوۋرموحاممادي - بۇرىنعى ىشكى ىستەر جانە ادىلەت ءمينيسترى؛

— ءامىر- حوسەين گازيزادە-حاشەمي، كونسەرۆاتيۆتى ساياساتكەر، ارداگەرلەر قورىنىڭ جەتەكشىسى، يران پارلامەنتى ءتوراعاسىنىڭ بۇرىنعى ءبىرىنشى ورىنباسارى.

«ۇمىتكەرلەردىڭ تۇپكىلىكتى ءتىزىمى جاريالانعاننان كەيىن ولاردىڭ سايلاۋ الدىنداعى قىزمەتى رەسمي تۇردە باستالادى»، - دەدى سايلاۋ كوميسسياسىنىڭ باسپا ءسوز حاتشىسى.

سايلاۋ 28-ماۋسىمدا ءوتۋى ءتيىس. سايلاۋ ناۋقانى سايلاۋ قارساڭىندا، 27-ماۋسىمدا اياقتالادى.

يران ب ا ق حابارلاۋىنشا، كەڭەس يراننىڭ بۇرىنعى پرەزيدەنتى ماحمۋد احمادينەجاد پەن بەلگىلى كونسەرۆاتور پارلامەنتتىڭ ەكس- سپيكەرى ءالي لاريدجانيدى سايلاۋدان شەتتەتكەن.

يران پرەزيدەنتتىگىنە ۇمىتكەر رەتىندە تىركەلگەن العاشقى ايەل، يران پارلامەنتىنىڭ بۇرىنعى مۇشەسى زوحرە ەلاحيان ءوز كانديداتۋراسىن الىپ تاستاعانىن مالىمدەدى.

سوڭعى جاڭالىقتار