يران-يزرايل قاقتىعىسى: قازاقستاندىق بىتىمگەرلەرگە قاۋىپ بار ما
استانا. KAZINFORM - ق ر قورعانىس مينيسترلىگى گولان جوتالارىنداعى قازاقستاندىق بىتىمگەرلەر تۋرالى ايتىپ بەردى.
«گولان جوتالارىندا ب ۇ ۇ بىتىمگەرلىك ميسسياسىن ورىنداپ جاتقان قازاقستاندىق كونتينگەنت قالىپتى رەجيمدە جۇمىستى جالعاستىرۋدا. جەكە قۇرامنىڭ ءومىرى مەن دەنساۋلىعىنا ەشقانداي قاۋىپ جوق»، - دەپ جاۋاپ بەردى قورعانىس مينيسترلىگىنىڭ رەسمي وكىلى رۋسلان جانگۋلين اگەنتتىك تىلشىسىنە.
بۇعان دەيىن يران يزرايلگە قاراي ۇشقىشسىز ۇشاقتارىن ۇشىرىپ، تەگەران ۇستىندەگى اۋە كەڭىستىگىن جاۋىپ تاستاعان بولاتىن.
يران 1-ساۋىردە داماسكىدەگى يران كونسۋلدىعىنا جاسالعان اۋە شابۋىلىنا جاۋاپ قايتارۋعا ۋادە بەرىپ، سونىڭ سالدارىنان يران يسلام ريەۆوليۋتسياسى ساقشىلار كورپۋسىنىڭ بىرنەشە قولباسشىسى، ونىڭ ىشىندە ەكى گەنەرال قازا تاپتى.
يزرايل الدەقاشان يران نەمەسە ونىڭ جاقتاستارى شابۋىلىنا جوعارى دايىندىقتى باستاپ كەتكەن.
