يران مەن يزرايل اۋماعىندا نەشە قازاقستاندىق بار
استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ يزرايل مەن يران اۋماعىندا نەشە قازاستاندىق ءومىر ءسۇرىپ جاتقانىن ايتتى.
«يزرايل مەملەكەتىنىڭ اۋماعىندا كونسۋلدىق ەسەپتە تۇرعان 123 قازاقستان ازاماتى بار. ونىڭ ىشىندە قازاقستان ەلشىلىگى قىزمەتكەرلەرى مەن جانۇيا مۇشەلەرى دە بار. ءبىراق كەيبىر راستالماعان دەرەكتەر بويىنشا يزرايلدە قوسىمشا 100 گە جۋىق قازاقستان ازاماتى بولۋى مۇمكىن. ولار كونسۋلدىق ەسەپكە مۇلدەم تۇرماعان. ءبىراق ەندى ءبىر-بىرىمەن نەشە ءتۇرلى چاتتاردا، الەۋمەتتىك جەلى ارقىلى ارالاسىپ جاتادى، سول ارقىلى ءبىلىپ جاتامىز. ونداي ازاماتتاردىڭ كونسۋلدىق ەسەپكە تۇرۋعا ماجبۇرلەي المايمىز»، - دەدى ايبەك سمادياروۆ ۆەدومسۆتونىڭ باسپا ءسوز ءماسليحاتىندا.
س ءى م رەسمي وكىلى يزاريل استاناسىنداعى حالىقارالىق اۋەجاي شتاتتىق رەجيمدە جۇمىس ىستەپ تۇرعاندىقتان كەلىپ-كەتۋ شەكتەلمەگەنىن ەسكە سالدى.
«يراندا كونسۋلدىق ەسەپتە تۇرعان قازاقستان ازاماتتارىنىڭ جالپى سانى 104 ادام بولىپ وتىر. ونىڭ ىشىندە قازاقستان ەلشىلىگىنىڭ قىزمەتكەرلەرى جانە سولاردىڭ جانۇيا مۇشەلەرى بار. بۇعان قوسا يران اۋماعىندا جۇمىس ىستەيتىن قازاقستاندىق كومپانيالاردىڭ بىرىندە 174 قىزمەتكەر بار. ولار ۆاحتالىق تاسىلمەن جۇمىس ىستەگەندىكتەن كونسۋلدىق ەسەپكە تۇرمايدى. ولاردىڭ بارىمەن تىكەلەي بايلانىس ورناتىلعان، ءبارى باقىلاۋدا»، - دەدى ول.
