ەير استاناعا 876 ميلليون تەڭگە ايىپپۇل سالىندى

باسەكەلەستىكتى قورعاۋ جانە دامىتۋ اگەنتتىگى ەير استانا اۋە كومپانياسىنا قاتىستى پروكۋراتۋرامەن بىرلەسكەن تەكسەرۋدى اياقتادى، دەپ حابارلايدى Kazinform.

تەكسەرۋ قورىتىندىسى بويىنشا اۋە كومپانياسى الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ شەشىمىمەن جانارماي الىمىن نەگىزسىز قولدانۋدا كورسەتىلگەن ۇستەمدىگى مەن مونوپوليالىق ەرەجەنى تەرىس پايدالانعانى ءۇشىن 876 ميلليون تەڭگەدەن استام سوماعا اكىمشىلىك جاۋاپكەرشىلىككە تارتىلدى.

ۇشۋ كۇنى نەمەسە جاقىن كۇندەردەرى اۋە بيلەتىن ساتىپ الۋ كەزىندە اۆياكومپانيا جولاۋشىلاردىڭ بارلىق ساناتتارىنان 3500 دەن 6500 تەڭگەگە دەيىنگى مولشەردە جانارماي الىمىن نەگىزسىز الىپ وتىرعان. ونى قولدانۋدىڭ ماقساتىن ءىس جۇزىندە نيۆەليرلەيتىنى انىقتالدى.

اۋە كومپانياسى اگەنتتىكپەن ىشكى باعىتتارداعى مونوپوليالىق/ۇستەم باعىتتاردا باعالاردى ۇستاۋعا باعىتتالعان مونوپولياعا قارسى كەلىسىم جاساستى:

بىرىنشىدەن، 2023 -جىلدىڭ 6-جەلتوقسانىنان باستاپ جانارماي الىمىن الىپ تاستاۋ (ۇشۋ كۇنىنە قاراماستان، 2023 -جىلدىڭ 6-جەلتوقسانىنا دەيىن جانارماي الىمىمەن ساتىلعان بيلەتتەرگە قولدانىلمايدى). مىسالى، استانا- الماتى باعىتى بويىنشا بيلەتتىڭ ورتاشا باعاسى 24435 تەڭگەنى، قولدانىستاعى باعانىڭ ورنىنا 28435 تەڭگەنى (%14 عا تومەندەتۋ)، الماتى- اقتاۋ باعىتى بويىنشا ورتاشا باعا 37568 تەڭگەنىڭ ورنىنا 31078 تەڭگەنى قۇرايدى (%17 تومەندەۋ)؛

ەكىنشىدەن، 2024 -جىلدىڭ سوڭىنا دەيىن ىشكى باعىتتار بويىنشا جولاۋشىلاردى اۆياتاسىمالداۋ قىزمەتتەرىنە باعانىڭ كوتەرىلۋىنە جول بەرمەۋ جونىندەگى مىندەتتەمەلەر؛

ۇشىنشىدەن، 2024 -جىلعى 31-جەلتوقسانعا دەيىن كۇنتىزبەلىك جىلعا Air Astana بيلەتتەرىن ورتاشا جانە تومەن باعامەن كەمىندە %70 (ياعني Y ،B ،H برونداۋ كلاسىنىڭ تاريفتەرى بويىنشا تەك %30) ساتۋ مىندەتتەلەدى.

سونداي-اق، اگەنتتىك كەلەسى شارالارعا باستاما جاسايدى:

اگەنتتىكتىڭ باستاماسى بويىنشا كولىك مينيسترلىگى «اۋا ەركىندىگىنىڭ» 5-دارەجەسىنە قولجەتىمدىلىكتى كەڭەيتۋ ماقساتىندا شەتەلدىك تاسىمالداۋشىلاردىڭ وتاندىق اۆياكومپانيالارمەن قاتار جەكەلەگەن اۋەجايلاردا مارشرۋتتار بويىنشا ۇشۋلاردى جۇزەگە اسىرۋ مۇمكىندىگىن كەڭەيتەتىن شارالار قابىلدادى. بۇل شەتەلدىك اۆياكومپانيالاردىڭ كەلۋىن ىنتالاندىرۋعا مۇمكىندىك بەرەدى، باسەكەلەستىككە وڭ اسەر ەتەدى جانە تۇتىنۋشىلار ءۇشىن تاڭداۋ مۇمكىندىگىن ارتتىرادى؛

اگەنتتىك جانارماي الىمىن پايدالانۋدى بولدىرماۋدى كوزدەيتىن زاڭناماعا تۇزەتۋلەر ەنگىزۋگە باستاماشىلىق جاسادى.

اۆتور

ەركەجان سماعۇلوۆا